طفلتي أشعر بأنني أجرمت في حقها

السلام عليكم ورحمة الله وبركاته
أخواتي العزيزات
هل هو قلب الأم ؟
أم أنني قد أجرمت في حقها ؟؟
أم هي الصعوبه في أول الأيام ؟؟؟
أبنتي عمراها سنة ونصف ذات يوم تكلمن معي جاراتي
عن اللهاية وأن البنت متعلقه بها جدا وأنا هذا الشيء سوف يغير اسنانها وبعضهن قال اللهاية تفرز مادة تزيد في الغباء
المهم فكرت بأن اشيلها عنها بس لا اعرف كيف ستكون البداية
وسبحان الله في نفس اليوم جاء الليل ولم اجد اللهاية ضاعت ما ادري وينها
وابوها في الدوام ما قدر يطلع يجيب لي
فقلت خيره خليني اجرب اقطعها منها
وفعلا نامت ذاك اليوم من غيرها
بس المشكلة اليوم رابع لنا من ضاعت اللهاية وهي اعصابها حادة جدا وبس تبكي بصراخ عجيب ما كانت كذا ابد ونفسيتها تعبانه واجد
دايم متعلقه فيني وما تبي تخليني اروح مكان كأنها تحس ان انا بضيع مثل اللهاية
وتمشي في البيت تدورها في كل مكان كانت تحطها فيها
ويابنات انا بداوم وبخليها مع الشغالة
وقلبي موجعني ولا ادري ايش اسوي فدلوني
الله يجزاكم خير ...
أخاف اضعف واعطيها مرة ثانية