'طفلتي باولى ابتدائي وتعبت معها بالقراة والكتابة

نفففس المشكله مع بنتي بمدرسه حكومي المنهج الجديد اسلوبه غلط في غلط ملخبطين الاحرف لخبطه زمان مانعرف الا كتب حصد قرا الكلمات من 3 احرف ونتعلم من حرف الالف والبا مو أ د ذ ر ز شالغرض من اللخبطه ؟؟كالعاده تقليد من دون هدف واضح ياليتهم ماطورو المنهج وتركوه مثل ماهو ويخلون التطوير لهله ..
مثل اليوم قلنا يا ابله بنتي ماتعرف تقرا بعض الكلمات تو الاحرف جديده عليها قالت حفظيها الكلمه كصوره ! منهج يقهر طفل صغير ويحشونه حشو غير مفيد قال ايش قال التهجئه بالترم الثاني يعني اقرو وانتو ماتعرفون وش تقرون في الاسبوع خمس احرف وسوره قرانيه واحيان سورتين بالاسبوع قريش والفيل حشو في حشو من دون مايعطون الطفل فكره يفهم او يستوعب او يدرك اللي يدرسه قبل يحفظه والحفظ من دون فهم ينمي الغباء تعبت مع بنتي وكل ماتكلمت مع المدرسه قالت مهو مني المنهج كذا ياعالم مهو كل الطالبات درسو روضه وتمهيد علشان تجرون بالدروس جري تو بنتي تفك الكلمات بالسطر وانتو تملونها وتحفظونها الكلمه من دون ماتهجئ احرفها ..قلنا البنت شوي شوي عليها بالضغط تحتاج فرصه تفكر قبل تجاوب قالت والله انا عندي 45 دقيقه ل35 طالبه بالفصل اذا كل وحده فكرت راحت الحصه ولاخلصناها..

ااه بس متى يتعدل المنهج ومتى يتعدل اسلوب المعلمات من قبله ..
ونفس طلب الاخت

دلوني على طريقة سهلة تتعلم فيها القراءءة والكتابة وتهجئة الكلمة

وانا معكم ابي حل لااخوي مايعرف الحروف ولايفرق بينهم ياليت يفيدونا بشئ

يابنات اكل العنب حبه حبه لا تعقدون البزران

انا بناتي 2 باول ابتدائي وشوفوا المعاناه اهم شيء لا يكره الطفل المدرسه ويحس انها صعبه
مصيره بيتعلم حنا تعلمنا وكنا ممتازات والاوائل واخرتها شهادتنا تحت مخدتنا

سبق واني قلت في موضوع سابق00ومن واقع خبرتي جيبي لبنتك سبوره كبيره في البيت وخليها تكتب طول اليوم وانتي تملين عليها 00الاحرف والارقام واذا انتي مشغوله هي من نفسها بتستانس عليها وتصير تكتب طول اليوم 00لازم الكتابه والقراءه ممارسه فعليه طول اليوم والا كيف الطفل يتعلم00 وخليها تتهجى بعض الكلمات اللي مكتوبه على علب العصير واللبن والبطاطس والحلويات وشوفي كيف بيتحسن مستواها 00ارجو اني افدتك وكان الله في عونك 00ولاتحرمينا الدعاء00

الله يعينا على الصغار والله يعينهم علينا