طفلتي تسألني ((ماما اليوم درسنا البلوغ وشهو البلوغ))000؟؟

بالعكس الموضوع بالمره بسسيط

تصدقين عاد اني انا اللي فهمت بنتي من غير ماتسالني

فهمتها السنه الماضيه وهي بصف رابع ابتدائي .. لانها قامت تزن عليي تبغي تتحجب

كنا في امريكا وتبغي تتحجب .. يعني بالمره الاوضاع ماتساعد لا المكان ولا عمرها

قلت لها ان شاء الله اذا كبرتي و بلغتي راح تتحجبين .. فسالتني عن البلوغ

فهمتها البلوغ بالمعنى الصحيح وقلت لها ان هالشي طبيعي ربنا سبحانه وتعالى خلاه في جسم المراه .. وان اي بنت تبلغ فهذا يعني انها كبرت و بالتالي راح يكون عليها فروض لابد ان تلتزم بها ..

ترا يا اختي من طبيعة البنت الخجل .. مما يجعلها خجلانه وانتم تصارحون بناتكم وهذا افضل على اساس ان يكون الشرح مختصر .. بس لابد انه يكون صح ولا يحتوي على اكاذيب بغرض انها صغيره .. يعني ممكن انك تخفين عنها شي بس ماتكذبين عليها .. لانها بتصدقه وبتظل تتذكره طول عمرها

طولت عليك بس اتمنى ان كلامي افادج ولو بالقيل :)

بالعكس انا مع اختي شموخ المفروض ان الام ما تستغرب لان الكل عارف انو في هالمرحله ينزلونها بالمناهج وهذا دليل على ان الطفله في هالعمر عندها قابليه على استيعاب الموضوع فعليها انو تفهمها بشكل مبسط ما تتعمق وكمان ما تخوفها من هالشي وتحسسها انو عيب او خطير حتى لا تزرع فيها الخوف لانه لو خافت او ما عندها خبره و بلغت راح تخاف وتتعقد ويمكن ما تقول لامها....
طولت عليكم بس كلامي من واقع تجارب سمعتها وعشتها

مشكورين حبيباتي والله انكم ماقصرتوا كلمت اختي وقريت اللي كتبتوة بس قالت لا ابي افتح الموضوع مرة ثانيه معها باسلوب حلو تتقبله ماعرفت شلون وياليت لو في اخصائيه تشاركنا بالموضوع

هلا اختي..

خليها اتقوللها تتذكرين امس يوم سألتيني عن البلوغ انا رحت وقريت معلومات عنه... وطلع انه البنت تكبر واتصير حلوه... وانها لازم تتلتزم بالصلاه... والحجاب...

وخليها اتقوللها يعني كيف بيتغير جسمها... واتفهمها ان الانسان يمر بمراحل... انها كانت بيبي وبعدين صارت طفله حلوه اتروح المدرسه وبعدين بنت ملتزمه تتحجب وكبرت.. وتعطيها امثله...وان في اشياء يستخدمونها.. وتوصفها الدوره كيف شكلها...

يعني انا عن نفسي فهمت اختي اللي اصغر مني بالطريقه هذي والحمد لله انها يوم بلغت ما قعدت اتصيح وماتعرف شي.. لا بالعكس جاتني قالتلي بلغت شو اسوي.. وقعدت اشرحلها عن النظافه..

الله يجزاك الجنه حبيبتي ورد جوري لان انا قلت لاختي نفس اللي كتبتيه وهي قالت بروح اطبق عليها