طفلتي عنيده

الله يصلحها ويصلح أبناء المسلمين هي لازالت صغيرة ويوم تشد شعر صيحي وأبكي وسوي كتشب في يدها بدون تراه عشان تخاف ولا عاد تنتفك بقناعة منها اما الضرب ما بيزيد غير تعقيد وكل ما ضربتك تالللللمي قدامها وصيحي بتفهم ان هذا الامر يوجعك وترى هي ما تنتف الا اذا انت الي علمتيها النتف بضاعتكم ردت إليكم !!وحاولي تتقربي منها تلعبي معها اشتري ألوان وصلصال وأعطيها تلعب عبي الحوض بالماء وأرمي فيه الألعاب واجلسي بجنبها قولي انت حبوبة عشان كذا حطيتك تلعبي بالماء واذا ضربتك قولي خلاص ما عاد احطك بموية لان الماء والالوان او مثلا تركبيها على ظهرك هذه تعجب الأطفال جدا

الله يخليها لك مااشوف عناد بالموضوع
هالفتره تقلدك وابوها بكل شي
فانتي رده فعلك الضرب توقعي منها الضرب
ويمكن تضربك علشان تلفت انتباهك
ويمكن انتي ترفضين لها بعض الطلبات بدون تبرير لاتقولين طفله وماتفهم بسم الله عليهم يفهمون ومايجون خاصه بعمر السنتين بالعصبيه لانه توه بادي يستقل بذاته ويحس بنفسه كبير شوفي فيه حسابات بالانستقرام بتفيدك شوفي غاده الغنيمان وطفلي ثروتي مرره ممتاز
حاولي طول اليوم تحضنينها ولو تخصصين لها وقت تلعبين معها راح تتغير ان شالله بس هالفتره هي اللي تحدد 70٪ من شخصيتها ان بتلت بعنادها فهي طول عمرها بتصير عنيده