والله حبيبتي انا عانيت مثلك قبل كم يوم ولدي صار له اربع ايام ومعه امساك يعصر ويعصر ومافيه فايدة جربت عود الاذاني مع زيت الزيتون ومافيش فايدة وخفت في الاخير لا يصير له حاجة من كثر ماحطيت الاعواد في الاخير استعنت بالله وصرت اجرب فيه كل شئ مثل : اكلته سمن بري بس سمن بري بدون عسل لأنه العسل ماهو بكويس للرضع ومامشي الحال... أكلته زبدة ومامشي الحال.... شربته مغلي النعناع وماجاب نتيجة ... فيه واحدة من الاخوات الله يجزاها ألف خير اقترحت لي اعطيه عصير برتقال مخفف واحط معها ملعقة صغيرة زيت سمسم طبيعي وفي الاخير وبعد رضعتين من عصير البرتقال عملها .......يالله الحمد لله والشكر له من جد كانت معاناة ........علما بأنه زمان لما كان يجي له امساك كانت ينفع معه منقوع التمر وطريقته انك تاخذي 3-4 حبات تمر منزوعة النوى "الافضل يكونوا رطب " وتخليها في كاسة موية حارة وبعدين تصفيها لما تصير دافئة وتشربيها للطفل بس هذه المرة ماجابت نتيجة ...انتي جربي والله يعيننا على هذا الامساك

حبيبتي انا جربت السمن حاجه بسيطه براس الملعقه الصغيره بس لنا جربته بدون العسل والحمدلله
وكمانم منقوع التمر مرة ممتاز
وجربت اعواد الاذان غمستها بزيت جونسون حق الاطفال ودخلته من تحتوالحمدلله
بس الخروع بدري مرررة عليها لااااتجربيه
اما البرتقال عاادي اعطيه اياة ورب البيت اعطيته بنتي وهي بعمر بنتك بس اعصريه وصفيه وحطيه بالرضاعه مثلا حطي 20ماا برتقال وقدها 20ملل مويه يعني مخفف
وان شاااء الله ماتشوف بنتك الا العااافيه
موفقه

منقوع التمر يعني تخمرين التمره في مويه أو تطبخينه لين مايلين التمر ويميع ثم أخلطي معاه عصير برتقال ....

عزيزتي هذي الطريقه الوحيده لأن الدكتور قالي مالك ألا تهرسين تمر وتحطين عليها عصير برتقاله وتوكلينها بس أنا بنتي أكبر من بنتك كانت ..... بس أنتي خذي مويه التمر ....


بس على فكره مو يوم وليله لازم أستمرار .....

مع احترامي لكل الأخوات اللي ردو عليكي بس احب اقلك انه انا عندي ابني لما كان داخل ال3شهور يعني اصغر من بنتك وكان يبكي يوميا من يوم مارجعت فيه البيت من بعد الولادة ويبكي بكا غير طبيعي لمدة ساعتين و3 كمان وولااعرف سبب بكاه لغاية مارحت لدكتور ربنا حط الحل فإيده الحمدلله ومن لما شافه قللي ابنك عنده امساك وغيرلي الحليب لبليميل بلاس وكتب لي من الصيدلية علاج له للامساك المزمن وهو عبارة عن مستخلص طبيعي من قصب السكر 100% حتى طعمه حلو اسمه (ايزي لاكس) بس ترددت كتير اني أبدأ له بأدوية من هالعمر ورحت لدكتور تاني وبرضو كتبلي نفس العلاج وقلت له يادكتور انا مابدي اعطي ابني ادوية من هالعمر قلي هدا مو دوا وهدا مستخلص طبيعي 100% وما منه اي ضرر ابتداءا من طفل عمره ساعات لعجوز فوق ال100 سنة واعطيه ملعقتين على الريق مدة 4شهور وبعدين ابدئي خففيه بالكمية اللي تناسبه وانتي امه وحتعرفي وبالفعل استعملته وارتحت بعده وحتى حبيبي الصغير ارتاح كتير وصار ينام الحمدلله وقعدت 3اسابيع وهو لما يتبرز تطلع ريحة كريهة لحتى نظفت بطنه وأمعائه وليومك هدا وانا اعطيه هو وقلي الدكتور انشالله ياخده طول عمره لاتخافي باذن الله مافي أي ضرر ابدا وتطمنت من بعدها عليه لأنه حبيبي الصغير ارتاح عليه كتير
ترا نسيت اقلك اني كنت اعمل له بفتحة الخروج بعود الأذن مع زيت زيتون بس كان يطلع بعر ويجرح له الفتحة ويطلع دم وحطيت له كمان تحاميل غليسرين بس كأنه ماعملت شي
وكمان عملت مويةالتمر بس عملت له مغص وغازات
وزيت الخروع مع عصير البرتقال كان الطامةالكبرى الي اخدته الدكتور بسببها لانه عملت مغص شديد وتقلصات ودربكة وغازات وولا قدر يطلع منه شي

بجد بجد اناحاسة فيكي عشان كده حبيت اكتبلك تجربتي كامله معاه

بالأضافه لكلام البنات
أنا أقولك توديها للدكتور ولد صاحبتي كان ما يقدر يتبرز يفضل بالأسبوع وبطنه تنتفخ ويضل يبكي
ولما ودته للدكتور هزئها وقال ليش اتأخرتي ع الولد لأن فتحة الشرج كانت ضيقه واضروا يعملوله عمليه الله لايبلى بنتك ان شاء الله بس عشان تتطمني عليها
وأنا جربت مع بتي مويه دافيه أذوب معاها شوية سكر نبات وذا ما عندك حطي سكر عادي وما شاء الله على طول تتبرز
والله يشفيها لك ان شاء الله