طفلتي والسفر استفسار بليز

الظاهر العربة ما يدخلونها .. يعني لازم ابوها يشيلها بس حرام ليش تاخذونها

مشكوره اختي على لرد

بالنسبه للبيبي .. والله افضل شي تسويه انك تاخذيها للعمره .. طالما انكم نذرتو الشي ذا ..وانشالله ربي يبارك لكم فيها ..
وبعدين ترى الحرم بالايام العاديه مو زحمه كثير.. بس في رمضان والحج هنا الزحمه ..
وافضل شي بالطواف ابوها يشيلها وتقدري تشتري (الحماله ايلي تحطي البيبي فيها وتلبسيها ويكون هو بداخلها) .. انشالله تكوني عرفتيها .. واختارو الطواف بوقت مايكون زحمه مثلا بايام الاسبوع ويكون بعد الصلاه حقت الفجر ..
والسعي اشوف كثير امهات يسعو وبالعربيه جالسين والبيبي معاهم .. او نفس طريقة الطواف تشيلونها معاكم ..
لكن العربيه هذيك ايلي تنحط فيه البيبي اعتقد مايسمحو بيها .. الا في التوسعه ..

وبالنسبه للطياره .. طبعا الرحله ماتكون طويله .. فخذي معاها لبس واحد للتغيير (للاحتياط) وحليب لها اذا كانت ترضع بالرضاعه .. وبامبرز 3 او 2 .
بسكوت او ايلي تحبه ..نقط للاذن عشان اغلب الاطفال تؤلمهم بالطياره . , لعبه صغيره عشان تتسلى بيها . منشفه صغيره .
واي استفسار احنا بالخدمه .. وبتنور مكه بوجودك ..

مشكوره حبي عاى الرد وبصراحه ريحتيني لكن لللاسف بنتي رافضه المرضعه الصناعيه من عمرها 4 اشهر سواء ما تتقبل الرضاعه الصناعيه ابدا ....العصير والماي واي شئ سائل بالملعقه او كوب وبالغصب بعد...بس الله كريم الوقت من الامارات لين السعوديه اعتقد ساعتين بالكثير والله يهونها علينا ...

عادي عيوني .. واذا بغيتي اي استفسار عادي لاتترددي ارسلي لي حتى لو على الخاص .. وترى أنا من مكه اهلي بس ساكنه بجده .. ولازم تزورينا انشالله وتشرفينا ..