طفلتي ورائحة الفم الكريهه ارجو الدخول

بنتي زيها

الاحظ اذا بدت تطلع اسنان لبنتي تزيد ريحت فمها وتصير لا تطاق
واذا طلعوا راحت الريحه افقدها اروح افتش فمها اشوف الاسنان برزوا وخلصو
ترجع الريحه افتح فمها اللقاء ضروسها باديه تشق
واذا اللتهب حلقها تطلع ريحه
الاسبوع اللي راح ريحة فمها قويه انصدمت يابنت خلصوا اسنانك كلهم طلعوا وش بعد اتاري حلقها ملتهب فكرت اقول يمكن للتهاب بحلقها بس الحمدلله ماشوف فيها شيء طبيعيه
يوم نمنا بالليل الا قامت تكحكح عرررفت انه جتها كحه وحلقها ملتهف وفلوزت
جلست الريحه معها والكحه ثقيله وماتجيها الا وقت النوم وصرت اخذ لها بخار
الحمدلله تشافت صحيح فيها شوي كحه لكن ماتجيها بالنوم لكن ريحة الفم الحمدلله راحت معناته اللتهاب راح

انتي بنتك لسى تسنن
ماخلص كل الفكين ماكملوا اسنانها
واذا تبين ترتاحين وديها لدكتور اذن وانف وحنجره كنت زيك كذا اول بداياتي مع بنتي قلت راح اوديها للدكتور الخاص بالاذن والانف والحنجره بس الاحظ انه يختفي اذا كملت الاسنان واذا تشافت من اللتهاب الحلق

انتي انتبهي للريحه الفم شوفي اضراسها كملوا ولا لا
فكها كمل ولا لا اذا ماكملوا معناته لسى شوفي لثتها مورمين ولالا
لاتنسين المره افركي لثتها بموية المره لان اللثه متعبه اذا حوا يطلعون تصير منزعجه بس المهم مايكون تحطين بفمها من الموية المره وانتي تشربينها مضاد مايجتموعون مضاد مع مره

وابدي فرشي اسنانها عشان يروح تخمر الحليب باللسان والاسنان راح تلاحظين ان الريحه تخف شوي

يااختي انا كان ولدي بنفس عمر بنتك عنده ريحه بفمه ولاحظت انها من الحلق مو من الاسنان لانها تجي بوقت هو جيعان او صاحي من النوم واذا اكل تروح ولما رحت للدكتوره قالت لي ان الاطفال اللي كذا عندهم ارتجاء بالمرئ يعني لسان المزمار اللي مهمته يقفل عالمرئ مايعمل كويس فتطلع ريحة غازات وعصارات المعده لكن هالحاله تروح بعد الثلاث سنين يقوى لسان المزمار ،، وصحيح راحت من ولدي لما جاء بهالعمر،،

وبعد تفاديا لإلتهابات اللثه وعشان ماتكونين شاكه من ايش الريحه حطي لبنت فروك عاللثه والاسنان يشيل الالتهاب والالم ويساعد اسنانها تقوى وتشق بسرعه ماتتعبها،،

الفروك يتكون من كسرة مر قد حبة الحمص وتقريبا عشر حبات محلب ،،تدقينهم كويس وتفركين بهااسنان ولثة بنتك بأصبعك ،،وبس

كمان بنتي صارت لها والحمدلله طلعت سنونها بس مره قريت ان الطفل لما ياكل حلويات تصير طبقة بيضاء على اللسان وتسبب ريحه كريهه ..قلت لبنتي طلعي لسانك وفعلا كانت طبقة بيضاء حاول انظفها بمناديل وطلعت بلاوي وراحت الريحه الحمدلله ..

جربي تطلع لسانها وشوفي ..يمكن منه السبب

اذا عندها التهاب لوز والتهاب حلق تطلع الريحه

انا بنتي عمرها ٤ سنوات فجاءة طلعت ريحه سيئة اوديها الطبيب يقول لوز ومره احتقان وكل شي جربته وديتها استشاري اطفال طلع مدخله اسفنج صغير بالانف الله لايوريك بس سحبها اختفت الريحه