طفلتي وسلوكياتها!! احتاج حلول

السلام عليكم ورحمة الله وبركاته
حبايبي انا مشكلتي مع بنتي ذات ال4 سنوات المشكلة من الأساس انو من وهي صغيرة طول ايامها وهي مع أمي الله يطولي بعمرها وامي من النوع اللي مدلللعتها بزيادة وتخليها تسوي كل شي ممنوع في بيتي من دلع من عدم معاقبة وقت ماتغلط
وهو الأساس في الغلط مو من امي الا مني انا وأبوها لأننا نعتبر صارمين معاها ولمن تكون معانا في البيت في ممنوعات كثير بعكس بيت أمي
واصلا لمن تكون عندي في البيت تبببببكي تقول ما احبكم انا احب امي وابغى ارجع بيتها وكأنوا بيت امي هو بيتها هي
وكمان مشكلة اننا نتخاصم انا وابوها بحضورها وهذا الشيء ادري خطأ بس استغفر الله وقت المشكلة الواحد ما ينتبه ولا يحس
المصيبة الان انو بنتي جدا جدا جدا عنيدة وتضرب اختها اللي اصغر منها واحسها تعلم اختها سلوكيات عنيفة وغير كدا لمن دخلتها المدرسة المعلمة اشتكت منها انها تضرب الاطفال اللي معاها في الروضة ونهائيا ماتحس بسلطة المعلمة عليها وتسوي اللي براسها ومرة قرصت المعلمة في يدها وحتى معايا انا مرررره ماتسمع كلامي وتصرخ علية وتسبني بس تخاف من ابوها الوحيد اللي تسوي اعتبار لأوامروا
والله صرت احس حتى الأطفال اقاربها ما يحبوها كتير والقاها دايم لحالها تلعب وهم لحالهم
ايش اسوي مع بنتي لسه هي صغيرة وفي امل اعدل سلوكياتها اخاف تكبر وتزيد وتصير مكروهه وما اقدر اغيرها