شوفي اختي خذيها نصيحة اذا عندك احد بتخلينها عنده ترى احسن مية مرة لانو زي ماقالوا السفر مافيه تغذيه زينه ولافي راحة انا سافرت الصيف اللي راح لاوربا عمر ولدي كان تقريبا سنة واربعة شهور تعبنا صح انه في عربيتة اغلب الاوقات بس وبعدين جددي شهر عسلك
اما اذا كنتي بتاخذينها لازززززززززززززززززززززم عربية ولا راح تتعبين معاها مرة
واشتري لك العلب حق مذركير حق الاكل وقبل لاتطعلين حطي لها اكل وفواكة

الصراحة صعب اني اترك طفلي شهر عند اهلي...ألا مستحيل...انا سافرت اوروبا شهر ويا ولدي وكان عمره 4او 5 شهور وماتعبت كلش...وسافرت وهو كمل سنة وشهرين وبعد ماتعبني ابد..والحين بسافر وعندي طفلين الكبير 3 سنين والصغير بيكمل سنة وكنت مسافرة من شهرين بالسيارة ليم دبي والرحله 8 ساعات...انا اشوف انك تاخذين بنتك معاكي وخلو موعد الطيارة يكون بالليل عشان تنام طول الرحله(هاي طريقتنا لاي سفرة) وفي السفر طبعا هي سنة يعني تاكل اكل عادي مو مهروس...والاكل مليان في الجمعيات والفنادق تسوي اكل للاطفال لو حبيتي..واليهال يستمتعون بالتسوق والتمشي وممكن تاخذونها للحدايق هناك وبعدين الطفل ينام بالظهر وبالليل فترة طويلة وفهالوقت بيكون عندج راحه...وباقي اليوم بتكونين بره والياهل في العربة مستمتع بشوفه الناس

اختي انا السنة بسافر وبخذ معاي اولادي الاثنين الكبير 2ونص والصغير 1 و4 شهور وما اقدر اخليهم لاني ما اصبر بدونهم السنة الماضية اختي راحت امريكا شهر كامل وما خذت بنتها طول الوقت تمت اتصيح وودها ترجع من السفر رغم ان بنتها كانت مع الوالدة الله يخليها لكن بعد حنت حق بنتها والسنة قررت تاخذها وياها راي بصراحة ان الاولاد شياطين لكن ما نرتاح بدونهم توكلي على الله وخذيها وياج مع عربتها واغراضها والله يسهلها علينا

هلا وغلا

عزيزتي افضلك انك تخلينه علشان ترتاحين وخصوصا انه أهلك قالولك خليها عندنا

يعني احسلك علشان تستانسين وانشالله لاحقه عليها تسفرينه معاك اذا كبرت شوي

والله انا ولدي خليته وهو عمره 8 شهور عند اهل زوجي مع خدامتها والحمدالله ماقصروا معاه

والحين عمره سنه ونصف وزوجي مصر الاياخذه معاه وانا ماودي علشان ارتاح بصراحه


مشكله في الطياره والفندق ودك تنامين الا هو سهران مافيه نوم وانتي تعبانه بتنامين

وطياره مشكله مراح يجلس طول الرحله اذا احنا لكبار نمل من الجلسه شلون هو


اذا خذتيها معاك احجزي درجه اولي يكون احس وفرق عن السياحيه0



وقوليلنا شنو قررتي0

كل ما استقر على شئ و اقرا الردود
ارجع و اغير رأيي
باشاور زوجي في الموضوع
و لسى باقي فترة طويلة على السفرة

يا حبيلكم
اول مرة اكتب موضوع و القى احد يرد علي
و يعطيني رايه من قلب
الله يجزاكم خير