طفلـــي شقـــي وعنيــــد ولايسمــع الكـــلام..

السلام عليكم
ياأمهات ساعدوني بايجاد حل للولد..
في البدايه بقولكم عندي طفلين واحد عمره سنتين وثلاثه أشهر والبنت عمرها خمسه شهور..
ومثل كل أم عندي ألتزامات بالبيت من طبخ وغسيل وتنظيف..ورعايه للطفلين..
خاصة الطبخ لابد يخلص بوقت محدد عشان زوجي لما يرجع من الدوام يكون جاهز..
والولد الله يصلحه ويهديه مبهذلني ومخلي عيشتي لاتطاق..
شقيييي وعنييييييد ولايسمع الكلام أبد..
بتقولون مايفهم والحقيقه أنه يستوعب..والدليل أنه لما يكون متقبل ينفذ..
واذا عصب يضرب ويحوس البيت..
من شهرين تقريبا ماعاد يطيع في دخول دورة المياه(وانتوا بكرامه)لازم صياح وضرب وحاله..
ونفس الشي عند تغيير الحفاظه..يخليني أوصل حدي من التعصيب..
يعني الشي اللي يآخذ 5 دقايق مانخلص منه ألا بحدود النصف ساعه..
أشتريت له جيم بوي ومشى وضعه شوي..وبعدها عادت ريمه لعادتها القديمه
حاليا لقيت له حيله بالحلاوى بس تعرفون ماودي تسوس اسنانه وبعدين هو فيه نشاط ماودي أزيده طاقه..
وطبعا ماهي أي حلاوى يتقبلها لازم تكون من الجيلاتين..اليوم ماكان عندي وتعالوا شوفوا وش صار بالبيت..
والأكل مايتقبل ممكن يآكل اليوم رز في يوم ثاني تلاقونه يرفضه..
مثلا أعرفه يآكل التفاح بس في لحظات تلاقونه يهضمه وفجأه يطلعه وينطله على الأرض..أهئ أهئ بيموتين هالولد..
وأنا خاطري أفطمه مادري وش أأكله ولازم لما أعطيه الزبادي أشغل اللاب على مقاطع للأطفال..
وأنا وقتي صعب وعندي طفله وعندي أشغال..
ساعدوني بحلول عشان يدخل الحمام بسهوله..
وحلول للفطام..

الله يجزى كل من ترد بفرج قريب وتحقيق كل ماتتمنى قادر ياكريم..