انا عودته على الهز بس يوم صار عمره 6 شهور احاول انام جنبه وطبطب عليه الحمدالله تعود ولين صحى اشيله وارد احطه لو الامر تكرر اكثر من مره لين يتعب

السلام شكلي انا احدث ام بينكم هههههههههههههه
بنتي عمرها شهر واسبوعين اتعب منها لما تقعد بالليل
اما اصبح ماشاء الله رقاد طوييييييييييييييييييييييييييييييل وممل
مادري كيف اضبط رقادها خصوصا ان ابوها شارد من الغرفه بسبه الصياح والسهر بالليل
انا متلهفه حدي بنتي تصير تقعد او تحبي او تمشي لاني متخررعه واحس الياهل بالمهاد ما يفطن شي
حتى شوف تشكين هو يشوف ولا لا واكله كله حليب وما تقرين تتفنني بلبسه ولا تطلعين به
مع زوجك وتتمشون توه صغير ... ابيها تكبر بسرعه لان الطفل بهالعمر يتعب
ويبي له مجابل وحرص عالدوام عينك عليه
عطونا نصايحكم بخصوص تنظيم الرضاعه للطفل الرضيع
وبخصوص تنظيم النوم له
ابي شرح ديق بالوقت لو سمحتو حسب تجاربكم وان شاء الله تنواصل

يااااااااه صج موضوع راااااااائع
تسـلمين الغاليه على طرح مثل هالموضوع المميــز ...

أنا ولدي الله يحفظه عمره سنه وشهرين .. وما خليت شي ما جربته فيه
طبعا أنا أول أزمه كانت في الاستحمام .. صح خذت دروس من أمي وأختي الكبيره بس بعد أحس اني صج عاااااااااانيت في الشهور الاولى .. وما ارتحت الا يوم خذت له الكرسي مال السبوح اللي يكون نفس الشبك من تحت ...
والاكل طبعا أشكال وألوان.. بعد ما كمل ست شهور .. كنت أسوي له خليط عجيب وغريب .... لدرجه انه أهلي كانوا يعصبون علي ويقولون مب زين عشان معدته .. تخيلوا كنت أحط في الخلاط موز و برتقال وتفاح وفراوله و كمثرى و جبن و كل اللي تشوفه عيني في الثلاجه ..خخخ أونه أجمع الفوايد كلها مره وحده ... بس الحمدالله احين تعلمت أتفنن له بالاكل السنع ..
بس الحمدالله ما عودته على الهز ... لكنه يطوووووول لين يرقد .. يتم يرضع تقريبا ساعه متقطعه طبعا .. بس والله ظهري ينكسر وأتعب ... ويوم أحطه في السرير أول ما الحفه ينتبه ويقوم يصيح وأرجع لنفس المعاناه وأحاول أرقده مره ثانيه .. والله صج تعب الله يهديه
وعن الدلع .. أبوه ايدلعه لكني ما أدلعه الا نادرااا ... أحاول أكون حازمه وياه عشان ما يتمادى علي ..
بس في وقت اللعب والمصخره أضحك وياه وأدلعه وأخليه ياخذ راحته .. لكنه ما شاء الله عليه عنيــد .. بس حبوب فديته ... الله يحفظه يا رب
هي حبيت أقولكم على تجربتي في شراء الملابس ... طبعا لأنه كان أول مولود كنت أشتري أي شي وكل شي من غير ما أدقق في الاشياء الضروريه صج .. يعني أكثر شي كنت شاريه قمصان وبناطلين وهذا أكبر غلط .. لانه المولود في عمر الشهور الاولى ما تقدرين تلبسينه قميص وبنطلون ... متعب في اللبس
وكل اشوي ايي أغير له اضطر افصخ البنطلون وعقب الملابس الداخليه ..ساااااااااالفه
أريح شي الملابس اللي تكون قطعه وحده ( أفارول) وتفتحين الازرار من تحت وقت التغيير ..
وكنت ماخذه الملابس كلها قياس واحد وبكثره .. وطبعا الطفل في بدايه عمره يكبر بسرعه وحجمه يتغير وبالتالي الملابس ما تنلبس الا كم مره وبس ....واضطريت أخلي ريلي يسير ياخذله ملابس مره ثانيه وطبعا راح بروحه لاني ما كنت أقدر أطلعه فيه وهو صغير ...
وبالنسبه للمنظفات وأدوات الحمام كنت شاريه كميات كبيره .. أتحراها بسرعه بتخلص .. بس تصدقون انه الصابون والشامبو و البودره لين أحين من يوم مولود عندي ..خخخخ الحبيبه متوصيه بالأغراض عدل
وأحب أقولكم شي مهم .. لا تاخذون جـــــــــواتي للبيــبي ... خسر على الفاضي والله
كان الجو حار وكنت أقول حرام ألبسه جوتي بيفطس .. وطبعا الجواتي صغروا عليه وما لبسهم بالمره ..
وأصلا البيبي في بدايه عمره كله ملفوف أو يكون في الـ sleeping bag يعني محد يشوف كشخته من الاساس ...

هذا كل اللي في بالي احين ... وان شاء الله اذا تذكرت شي ثاني بخبركم اياه ..

ولي عـــــــــوده للموضوع ان شاء الله ..

اختي بثينه مشكوورة حبيبتي
والله يخليه لك ويحفظه وفعلا اول طفل نتعلم فيه كل شي هههههههههه

الوووووووووووووووووووووووووو