الحمد لله وصلت لليي اتمنيته
ما تتخيلي قد ايش اخد مني الرد وقاعدة ادور الكلمات اليي توصله لك ......عشان اريحك واطمن قلبك..
لانك تستحقي ترتاحي ويرتاح بالك................................(اظن انا وانت اليي شاغلهم دا الموضوع بس)
عطائك الدائم لولدك يخليك تطمئني ان شاء الله
ثابري عليه...........

حمرة الورد

السلام عليكم ورحمة الله وبركاته..

هلا بأختي الغاليه حمرة الورد..

تسلمي عيوني على الموضوع الرائع من جد صدقتي في كل كلمه قلتيها سبحان الله كأنك توصفي إبني عمار الكبير الله يحميه ويحفظه والله حبه موجود لأنه فرحتنا كلنا الأولى بس زي ماقلتي يمكن قل مع الأيام وعشان كبر نحمله مسؤليه أكبر وفي نفس الوقت ماأدري نحن العرب عجيبين عندنا الحب والدلع الزايد للي لسه صغير ولو ماجا بعده طفل يمكن يقل بس برضو يفضل أكثر من أخوانه يدلع بس هدا مو دليل على عدم حبنا لأخوانه بس زي ماقلتي تحسي بيهم يحسسونا بحبهم يعني يبوسوكِ كتير ويقولوا لك أحبك ماأدري هل هدي إشاره على إنهم ينبهونا ترى نحن نحبكم فين حبكم لنا بس مو كفايه إننا نلبيلهم اللي يبغوه بجانب الحب طبعا لأنه بصراحه على قد ماتعطيهم تحسي بيهم مايحسوا بيكِ ولا يفكروا إلا في نفسهم ..

تسلمي ياأحلى حمرة ورد على الموضوع المفيد منكِ لذا علينا أن ننتبه وأن نتدارك مواقفنا معهم ونُصلح مايحتاج للتصليح والإنتباه ومشكووره عيوني على نصايحك الحلووه...:26: :24:

اهلين بالحبوبة هنو ........ياختي لك وحشة,,,,,
لا تقطعينا خليك دايما معانا.......
فعلا زي ماقلتي احنا عندنا طباع عجيبة .......وبعدين نبغى الطفل يحبنا ويجي يسلم علينا ويقدرنا لما نكبر ونعجز

وقالها عمر بن الخطاب رضي الله عنه( عققته صغيرا فعقك كبيرا) يعني اليي تحس عقوق في طفلها ترا من صنايع يدها الا طبعا بعض الحالات اليي تكون اختبار للام

تصدقي في ام قالت لولدها انا اسوي كدا عشان احبك..........تدري اني احبك والا لا؟
قالها : ما ادري الا لمن قلتيلي .......
والولد صغير عمره خمسة سنين يعني مو مراهق ويجيب الكلام من برة
هدا كلامه هو على الفطرة

الله يعيننا على الصح ويقدرنا نربيهم تربية سليمة.............والله من وراء القصد

صراحه مااتمالك نفسي عن الدعاء لك عند قرأت كل سطر
كتبتيه لانك افدتيني كثير بالنسبه لحالتي مع بنتي..:(
لكن فيما يبدو ان ماضاع في تلك السنين السبعه لبنتي صعب
استعادته الا بإراده حديديه وحنان عميق وهذا للاسف قد اكون
شبه فاقده له من ناحيتها:44:
احيانا مالي نفس تقرب مني واحس بقرف منها !!هل هذا طبيعي:06: :44:
مع العلم ان امي كانت معي بنفس الطريقه :(
تصدقين احاول اتذكر يوم امي احتظنتني فيه من وعيت على الدنيا الى اليوم
مافيه بدون مبالغه اقسم بالله :44:
يعني هل تعتقدون انني اصبحت نسخه من امي ؟؟
مع انه المفروض ان لااكون لاني اكثر فهما وتعليما ومعرفه بمدى تأثير ذلك
على نفسية الطفل:(
لماذا انا هكذا :44: اريد ان اتغير ..اريد ان تتذكرني ابنتي دوما على
اني الام الحنون ذات القلب الدافئ..
لااريدها ان تحتفظ بمخيلتها بصورة ام متسلطه كثيرة الصراخ والتحطيم..
اعلم ان هذا يحفر الما في نفسها لن يزول ان لم اتدارك نفسي :06:
فماذا افعل اعتبروا اني اختكم..
ولتعتبر اي وحده منكم ان هذه البنت المسكينه بنت اختها:44:
ارجووووووووكم انا اجلد نفسي بسوط التأنيب ولكن لاتقدم على مستوى التعامل
يبدو اني احطم نفسي واحطمها معي.!!!
فما الحل؟؟

اهلا بك اختي العامرية ......
انت جيتي لنقطة الضعف .....هو انك متأثرة بدرجة كبيرة باسلوب امك الله يغفر لها .....والله هو الجفاف دا منتشر عندنا كتير ..... في عوائل كتيرة على نفس الطراز
:( المهم انت نفذي اليي كتبته بعدين انا اعطيك نقاط جديدة .....
والارادة الحديدية اليي تقولي عليها صدقيني عندك بس انت اعطيها مجال تتحرك

ترى ما احط ولا نقطة جديدة الا لما اعرف انك طبقتي القديم .....

اكيد انت ماتبغي بنتك تحس نفس احساسك تجاه علاقتك بامك الله يجزيها الجنة

والنقاط جلست عليها وكتبتها اليوم او معظمها يعني لسة راح اكتب جديد.....

وترى انت اخت عزيزة وغالية ......وياليت اليي اعرفها تدخل ترى والله هي بمثابة اختي وبنتها ضايعة والله العظيم.....بنتك احسن حال منها البنت عمرها 12 سنة والام ولاهي هنا انت الحمد لله عازمة على اصلاح مافسد....:06: