كل الحياة كأنك تتكلمين عن بنتي نفس العمر ونفس الصفات سبحان الله بنتي تموت في المواليد وعروسه عندها والجوال واللاب والريموتات والاسلاك والرسيفر جننتني عندها وتحب لعب العفاشه زي مطارادات ودغدغه وتموت ع الاستحمام والمويه
احاول اني اعلمها عن طريق اللعب او وهي ملتهيه ما القنها اعلمها عيني اذني فمي لساني شعري يدي وانا السها ملابسها وامشط لها او احط راسي في حضنها واخليها تمسك وجهي واقولها الاسماء وتعيد ورايا ولما اطلع الدرج اعلمها 1 2 3 لين نوصل 10 و اعطيها علب المويه الفاضيه والمناديل واقولها ارميها واروح ارمي قدامها في الزباله
برضو رضاعتها علمتها تطلب وقت ماتجوع تجيبها لي وتوقف ع الباب ننه هيا هههههههههههه
اعطيها بسكوت او فش فاش واخليها تأكلني تنبسط تنسى نفسها وتجلس تأكلني
احاول وانا قايمه ع المطبخ اقول يللا نروح المطبخ او الصاله او الحمام او السياره وبكذا تعلمت الاماكن في البيت لما اقولها روحي جيبي النونو من هالمكان تفهم << عروستها

غالبا الطفل يتعلم من المراقبه فتلقط مننا سلوكيات وكلمات

ياليت اللي عنده افكار يشاركنا

بنتي عمرها سنه وثمنيه شهور
ماشاءالله التلفزيون ماتعرفه
اسولف معها كانها كبيره وتفهمني ماشاءاالله عليها
تلعب المكعبات والعرايس تنومها وتقلدني
الله يحفظها لي يارب

رفع

بنتي سنتين تلعب مكعبات
ولو شافت قلم تقول اكتب o e
وعاد امنعها
ما تحب التلوين تطفش بسرعة
واعلمها ارقام عربي وانجليزي

ولدي عمره سنه واربع شهور

مايطالع تلفزيون بس يحب الايباد والايفون يشوف صور قطاوه وحيوانات او صور عيال عمامه وخواله او يسمع شيلات 😁




احسه يمل بس يستانس اذا شاف اطفال مايحب يلعب بروحه مع انه كل شي عنده سيارة كبيرة وبيت كور وكتب اطفال والعاب بس يلعب شوي ويمل اذا بروحه

ويحب الكوره سملله عليه ويحب مكنسة الكهربا 😊




العب معاه كذا لعبة .. اخذ اي شي صغير مفتاح ولا قطعة تركب اوريه واسكر ايديني اقوله اي ايد يأشر اذا لقاها صح يستانس

يحب الحقه وينحاش مني

بس مرات احس لعبة دفش يحب يطق ويعض على ضحك بس يعور مرات ينرفزني صج