:::طفلك عنده عيب خلقي اومشكله وتبين تنمين الثقه بنفسه تعالي نفيد ونستفيد:::

انا عندي بنتي الله يحفظها يارب سليمه والحمد لله
هي ((عسمى)) <<تستخدم اليد اليسرى ... وذكيه لما دخلتها تمهيدي كانت منطلقه واجتماعيه <<<طيب وين المشكله

المشكله ان بنتي اللي اكبر منها دائما تنتقدها وتحطمها وتقولها حرام تكتبين الحروف باليسار<<<الله
بعدها بديت الاحظ في بنتي صعوبه في النطق وتتلعثم وتدهورت حالتها النفسيه بشكل كبير
وعملت بحث عن الحاله وكان اسمها العلمي ((اللجلجة))
وبدئت اهتم فيه واعزز ثقتها بنفسها في اماكن كثيره وارفع من معنوياتها امام الناس
وايضا صرت حريصه على اختها الكبيره وانبها على خطئها
والحمد لله الحاله افضل من اول رغم انه موجوده الى الان
والحمد لله على كل حال

اتمنى اكون افدتك

انا عندي ولد حالته حاله ومسبب لي مشاكل مايعلمها الا الله

مشكلته انه خجوووووول ويخاف كثير من الكبار مع انه شقي ويضرب الاطفال الصغار ويحب يسوي مشاكل وصراخ ويبكي على طول



الوقت ويدور اي عذر يبيكي عليه وهو مشكلته اخوه اللي اكبر منه معقده بدنيته ومسيطر عليه

ودايما يحبطه ويضحك عليه ويستهتر فيه ويسبب له مشاكل مع الصغار ومايحب انه يكون احسن منه

باي شي المشكله انه ياقلبي يحب اخوه الكبير ويعطيه كل شي بس اخوه اناني الله يصلحه ومن النوع المسيطر

وعدم شخصيه اخوه ابي اعدل وضعه باي شكل

ونفسي يكون واثق من نفسه وطبعا بالتشجيع واحاول احيانا اوديه عند خالته مع عيالها بدون اخوه

احسه ينبسط كثير ويستانس ويكون له شخصية مستقله

بالنسبة لولدك الله يحفظه ويشفيه يارب انتبهي عليه ولا احد يطالعه كثير او تتكلمون عن حالته قدامه

ولاتحسسينه يوم انه غير والاطفال اللي بيلعبون معاه حاولي تفهمينهم اذا يفهمون واذا مايفهمون لاتددقين

عليهم احسن يقولونها له واذا عندك شي جديد قولي لنا ونبي نستفيد من بعض والحمد لله انه طيب وبيقدر يمشي

بنفسه باذن الله

نورتو موضوعي ياغاليات ...

سعوديه اصيله الله يحفظلك بنوتاتك وتشوفينهم بفساتين العرس..بالنسبه للتااته ترى غالبا تجي من اذا فيه احد يستفزها اذكر بنت خالتي اخوها كان ينرفزها ويتفزها بعدها صارت تتلعثم ووتأتأ..بس امها انتبهت لها من بدري والحيمن مشالله منطلقه بالكلام....انتبهي تخلي اختها تتكلم عن نقطة ضعفها لان هالشي ياثر في نفسيتها لو انه بسيط...

تركت الحزن الله يكون بعووونك اذا فيه اخوه مسيطر عليه لان هذي مشكله عوييييييصه لان اذا تدخلتي بينهم صار كره وان تركتيهم تحكم الاكبر والاقوى...بالنسبه لخجله حاولي تمدحينه عند الناس بس بشكل مو مبالغ لان الاطفال بسم الله عليهم يفهمون وحسسيه انك تحتاجين مساعدته خبي شي مثالاً وخليه هو يلقاه لك راااح يعطيه ثقه بنفسه وخلي يشارك مع ابوه بنشاطات وفهميه ان الاشيا ماتنوخذ يصياح لو بكى احرميه من الشي الي يبيه لين يعتذر:)

بالنسبه لولدي انا شايله هم من الناس والا هو بسم الله عليه مو بين عليه اي عيب خلقي برجوله شكلها مررره طبيعي بس اخاف من حمولتي لان مره ملاحظه معقدين بنتهم مسكينه عمرها 7 سنوات وتحس ان لونها غامق وتقارن نفسها بالغير لدرجة انها شافت عروسه قالت ووع سمرا على ان لونها فااتح ماشوفه اسمر بس الله يهدي جدتها دايم تعلق عليها وهي بسم الله عليها ذكيه فصارت مو واثقه مكن نفسها وتفكر دايم في فروقات الاوان...بصراحه احس الي يفكرون بالسمار والبياض ناس عندهم مشاكل وامراض نفسيه...الله يهديهم بس...