طفلك كما تحبين

نحن الامهات نحاول جعل اطفالنل من احسن مايكون
وبصراحة معنـــا كل الحق ... لأنهم أحبابنا و نريدهم أن يتفوقوا على أقرانهم في كل شي !

ولكن كل ذلك يحتاج الى صبر .. وهمة عالية .. ومعرفة بأمور التربية الصحيحة ...
.
.
.
.
.

قرأت مرة في مجلة .. موضوعا عن كيفية جعل طفلك كما تحبين .. وبصراحة أعجبتني نقاطهم ودونتها عندي في ورقة صغيرة ..


سأكتبها لكم مع شرح مبسط .. لكن بأسلوبي ترا تعبت وانا أتكلم "فصحى" >> هع ماتقدر



1- انقلي قواعدك إلى الطفل بشكل إيجابي:

يعني .. حاولي أن تكون أوامرك بشكل ايجابي .. مثلا .. بدل ماتقولين .. وش هالحوسة ليش ماترتب دروسك بعد ماتخلص .. ؟ قولي " كتبك ودفاترك مكانها في الشنطة "



2- اشرحي قواعدك بأسلوب يفهمه :

بصراحة .. تعودنا أن نلقي الأوامر فحسب .. وهذا يجعل الطفل عناديا .,, لازم تقولين للطفل سبب لكي يقتنع ويستجيب لك .. فمثلا تقولين " رتب ألعابك بسررعة " والأفضل " لازم ترتب ألعابك الحين عشان ماتتكسر أو تضيع "


3- انقدي سلوكه، لا شخصيته:

لا للتجريح والإهانه .. لاتقولين صغير .. ترا الطفل ذكي ولا يحب الإهانه أبدا ..
لاتقولين غبي أو ما يفهم ..
اذا ماأعجبك أي تصرف من تصرفاته .. تكلمي عن التصرف نفسه وليس عن الطفل .. !



4- اعترفي برغبات طفلك :

تعرفون أنه الطفل يرغب في كل شي أن يكون ملك له .. فمثلا لو رحتي محل ألعاب بيزعجك أبغى هذا وأبغى هذا ..

عاادي .. قولي " ادري انك تبغى الأشياء الحلوة .. لكن لازم تختار لعبة نشتريها لك الحين .. ولعبة للمرة الجاية "


5- استمعي وافهمي:

الاستماع للطفل ينمي ابداعه ومواهبه .. يعني مثلا ابنك اليوم منزعج ويصرخ ويضرب .. اجلسي معه واسأليه عن سبب انزعاجه فربما كان أمر تافه ممكن تعالجيه .. يمكن مثلا جزمته تضايقه أو جرح بسيط ..


6- حاولي الوصول إلى مشاعره:

شيء مهم صراحة انك تعودين طفلك انه يفضفض لك .. ويقول لك كل شي مهما كان تافه وانتي بدورك لاتحقري أفكاره ومشاعره .. لااازم تتفاعلين وتحاولين توصلين لمشاعره : )

7- تجنبي استخدام التهديد والرشوة :

انتبهي من التهديد لانه سيحاول لفت انتباهك اذا كنت منصرفه عنه حتى تهدديه ... واذا كنت كل ماعمل لك شي تعطينه مقابل.. بيتعود يسأل في كل مرة وش المقابل اللي بتعطينه وهل يستاهل ؟ !


8- الدعم الإيجابي :

اذا أحسن التصرف .. او عمل شي حلوو وأعجبك قبليه واحضنيه قولي له " شكرا .. الله يخليك لي .. جزاك الله خير .. " وان شالله يبي يعجبه وراح يحسن التصرف دااائما ..


.
.
.
.

ختاما ..
لاتنسوني م ن دعوتكم