السلام عليكم
انا ولدي عمرو 3 سنين و ما يطيق البيض و هو ذوقه بالاكل كتيير صعب ...حتى البطاطا العادية المقلية ما يحبها ... و من كتر ما اشتكيته لامي ذكرتني باقراص البطاطا اللي كانت تعملها و احنا صغار .. وكنا نتقاتل عليها انا و اخواني من كتر ما بنحبها و لما عملتها لابني كتيييييير حبها .. ومن هداك اليوم و انا بعملها كل اسبوع مرتين
و الوصفة سهلة وبسيطة و تصلح تكون اي وجبة خلال النهار او مقبلات للضيوف وانا كل ما اعمل عزيمة اول صحن بيخلص اقراص البطاطا.
و هذه المقادير:
2 حبة بطاطا وسط
بيضة
ملح / بهار اسود / ملعقتين كبار بقدونس مفروم ناعم
زيت للقلي
سماق للتزيين اختياري
الطريقة:
تسلق الطاطا بدون تقشير او تقطيع تحتاج الى نص ساعة
تخفق البيضة مع البهار و البقدونس و الملح
تضاف البطاطا بعد ان تهرس الى البيضة وتخلط حتى يصبح قوام المزيج متماسك و لكن يكون لزج بعض الشيء
اجهزي مقلاة القلي و لازم تصبري عالزيت حتى يسخن جيدا
استخدمي ملعقتين و حدة للغرف وحدة عشان اتنزلي الخليط ببطء بالمقلاة و يكونة شكل الاقراص عشوائي و لما يصير لونها ذهبي ارفعيها و ضعيها على مناديل المطبخ و هي الصورة
265039
و هذه الوصفة اذا كانت للغذاء و كان عندي بقية دجاج من وجبة سابقة اقطع الدجاج و اضيفها معها او نقانق او جبنة نابلسية او اذا كانت لعزومة ادحرجها بالطحين وبعدين ادحرجها بالقصماط او ببروستد كنور الحار
واضيف الكاتشب على شكل عيون و فم عشان اشجع ابني ....
اطلب من الامهات اللي عندها وصفات مفيدة يحبها الصغار ما تبخل علينا...و شكرا
فلسطين48 @flstyn48
عضوة جديدة
طفلك ما يحب البيض..شوفي اقراص عجة البطاطا ..يحبوها الاطفال كتيير مع صورة
17
6K
يلزم عليك تسجيل الدخول أولًا لكتابة تعليق.
أشخص وحده
•
روووووووووعةروووووووووعة
الصفحة الأخيرة