طفلك والسفر

وعليكم السلام اختي....
انا مجربه مع بنتي سفره طويله مرتين
مره وهي 3-4 شهور ومدة السفره تقريبا 8 ساعات
ومره وهي سنه وشهرين والمدة كانت تقريبا 12 ساعه

وعموما اريح وهي صغيره اذا حجزتي الكرسي الامامي الي فيه سرير للطفل
ومادري بامكانك تحجزينه لبنتك الحين....مادري لعمر كم

المهم السفره الاولى ماشاءالله عليها نايمه طول الوقت
غالبا الطفل يدوخ بالطياره وسهل التحكم فيه وهو صغير

وبالنسبه لسفرتي الثانيه
في البدايه كانت شووي متعبه لانها تمشي وتبغى تتمشى على راحتها
والحمدلله كانت الطياره فاضيه بيني وبين ابوها كرسيين فاضيه قعدناها فيها
وبعدين غيرنا من مطار لمطار
بعدها داااااااااخت ونامت
لانها مانامت ((سفرنا كان بالليل))
والحمدلله دخلنا الطياره 8 ساعات كلها نايمه بس اعطيها رضاعه ولا عصير
وااذا بكت عطيتها بسكوت او شي يسكتها
وخلي معاك العابها المفضله .. الخطوط ماقصروا عطونا دبدوب روعه وشنطه فيها اغراض للطفل ((الامارتيه))

يعني باختصار خلي معك خرااااااااااااااابيط كثير من البسكويتات وهالاشياء الي تناسب سن بنتك
كل ماصاحت اعطيها خاصه بالفندق اذا كنتي مسافره اوروبا ولا امريكا مثلا ينزعجون مررره ترا

ولا تنومينها قبل الرحله خليها تواصل عشان تنام
ولبسيها لبس مريح ...خلي معك بجاما ولبس مو رسمي احتياط

ولا تنسين تتاكيدن من الاغراض المسموحه وغير مسموحه لا تتورطين بعدين
ويرمون اغراض بنتك وانتي ماجبتي احتياط
وغالبا السوائل هي الممنوعه ((مويه-عطور-----)) ويقولون انتهم يمشون الاشياء الضروريه
للاطفال بالذات من ادويه وحليب

انا والله كنت قاشه كللللللللللش
حليب -زبادي-مويه-فازلين-فيفادول-رضعة نعناع ((اذا مغصها بطنها))-عصير دناو-علب دانينو الصغيره

والله ماحد قالي شي ((لا في مطار السعوديه ولا دبي ولا بريطانيا))
المهم
واذا كانت من النوع الي ياخذ مصاصه خذي لها وحده ثانيه احتياط لا تضيع وحده ولا شي
وخليها بفمها طول الوقت اريح لا تفضحكم في الطياره ههههه


اااااااااااااسفه طولت عليك بس حبيت افيدتك بتجربتي

والله انا سافرت مع ولدي وعمره سنه وشليت معايه اكل من البيت للطيارة ورميته هناك وعطيته جاهز (طيران الامارات) يوزعون اكل جاهز ويدفونه لج بعد وصراحة من بعدها كل جاهز لان الاكل الجاهز في اوروبا حلو (سواء الفواكه او الخضار والفطور طبعا سيريلاك او بسكويت) وكل حد يستعمل هالقواطي فعطيته ابني وعيبه الحمدلله (ماكنت معلمتنه على الاكل الغير مخلوط)
المهم في الطيارة في الروحة كله راقد لان طيارتنا الظهروماكان في طفل غيره يعني هدوء بس في الرد كان بالليل ومعانا اطفال فازعجوه وتم صاحي وتعبني .. ومثل ماقالت um hana2 يعطونج شنطة فيها العاب وغيره في طيران الامارات ..
في الفندق ابعد الاشيا اللي ممكن تأذيه واخليه على راحته يحبي في الغرفة وفي التمشيات كل الاطفال يستانسون (حواطة بعد شو يبون) ..

على فكرة عادي انا شليت في شنطة حمودي في الطياره دلة صغيرة للماي الحار و مصاصتين وحليب طبعا ومرضعتين احتياط ولبس وبيجاما وادول وادوية لانه طان مريض ولاحد قالي شي لا في مطار دبي ولا فرنسا ولا المانيا لا تخافين بس طبعا ظفارة ومن هالاشيا الحادة معروف انها ممنوعه

نصيحة مهمة جدا (في نقط تضع للاذن انصحج شيليها معاج وقبل ما تقلع الطائرة او تنزل حطيها لابنج والله مابيحس بالضغط ابدا لان الم الاذن من الضغط هو اللي يصيح الاطفال في السفر) خذي اسمه من دكتور

وارجو اني اكون افدتج

انا قالت لي وحده انهم كانوا يدورون المضيفات على الامهات يقولون لهم وقت الاقلاع حطي رضاعه بفم الطفل عشان الضغط!!
انا ما قال لي احد لكن اسويها
على الاقل احط المصاصه

الأخت um hana2 و الأخت ام قلي مشكورين على المعلومات المفيدة بس بالنسبة للأكل المعلبات ماتضر الطفل حتى لو المدة قصيرة من 10 -15 يوم وبالنسبة للتمشيات ضروري عربية الاطفال . وارجو من الاخوات و المشرفات المشاركة لان الموضوع عام واي أم يمكن يمر عليها ومع خالص شكري لكم.

عيوني الاكل الجاهز ابدا ما يضر انا اختي كانت تعطي ولدها الاكل الجاهز من ابتدى ياكل لين ماكمل يمكن سنتين لانه كان يحبه ويفضله على اللي في البيت ... وانا عطيته ولدي في السفر ولمدة 20 يوم تقريبا والحمدلله كان اوكي ولا اثر على وزنه الحمدلله ...

اما بالنسبة للعربات فهي ضرووووووووووووووووووووووووووووووووووووووووية جدااااااااااااااااااااااااااااااااااااا بدونها بتهلكين صدقيني ...

وان شاء الله تستانسون في سفرتكم