طفلك يعاني من الأكزيما ..تعالي هنا الحل بإذن الله ..

السلام عليكم ورحمة الله وبركاته ..

الموضوع باين من عنوانه ..

بنات انا بنتي من ولدتها وهي فيها اكزيما ..:(
بس الحمد لله تعتبر متوسطه مو شديده ..
بس مررررة متعبه يا حياتي عليها ..
تطلع بفخوذها .. وسيقاتها .. وظهرها وخدودها ..
تخيلوا كل ما اروشها تغشي من الحرارة ..:icon33:
وطبعا كلكم عارفين ان العدو اللدود للأكزيما الماء..

وديتها اكثر من دكتور وكان الرد لازم المنطقه ما تجف ولايجيها مويه .. والحل كوزتيزون ..
كانت اذا شدت مرة عطيتها العلاج .. ويخف فترة ويرجع ..

بنات من فترة كنت استخدم كريم جلوسوليد الأحمر طبعا اغلبكم عارفه بس انا اخذ اللوشن مو الثقيل وكنت احط لها على جسمها وكان يرطبه مرة وما شاء الله نفع معاها ..

بس بعد ما برد الجو صرت اذا حطيته لها تصرخ من الحراره ..
ورجعت زادت زي اول ..

بحثت كثير في النت ..

وسمعت ان نشا الأرز مفيد مرة لعلاج الأكزيما بس حسيتها شغلانه ..
اسلقي رز وخذي مويته وروشي البيبي فيه وخليه فترة يجلس في المويه ... يوووووووه شغله
سويت خلطة انا من نفسي ابتكرتها .. ووالله يابنات لي الحين استخدمها 3 ايام والأكزيما خفت عليها بنسبه 70% ما شاء الله تبارك الرحمن ( اذكروا الله تكفون )

وحبيت اني افيدكم منها لأني حاسه في المعاناة اللي تحسونها ..
بحط لكم الخلطه ..
وكل اللي اتمناه منكم دعوة ان ربي يقضي الدين عن زوجي ويوسع في رزقه ..امين يارب العالمين ..

الخلطه طبعا انا سويتها من نفسي يعني مو ماخذتها من احد بس اتمنى انها تفيد الكل زي ما بنتي استفادت منها .. يااااااااااااااارب انك تشفي كل طفل مريض يااااااااااااااااارب ..
واللي ما تستفيد منها .. ما راح تضر بإذن الله لأن كل مكوناتها طبيعيه ..

ياللا بسم الله نبدأ سمي بالرحمن الرحيم اولا ..
جيبي التالي:
جلسرين سائل ..( مقدار واحد )
نشا ذرة ..( ملعقتين كبار )
زيت زيتون .. مقارب لمقدار الجلسرين انا حطيته كذا عشوائي ..
ملعقة كبيره فازلين ..(لا تكثرين منه )
اخلطيهم مع بعض الى ان يتكون عندك خليط متجانس كريمي ..
..
خلاص ادهني جسم طفلك منه مرتين ع الأقل في اليوم .. ويستحسن قبل النوم وأول ما يصحى ..
وانا بصراحه كنت ادهن فخوذها وسيقانها كل ما غيرت لها بامبرز ونشفتها من الموية زين جبت شويه بيدي ودهنتها ..
وحطي لك انتي بعد على يدك وشوفي النعومه والصفاء ..
والله يا بنات اني ما قلت الا اللي صار لي واتمنى ان الكل يستفيد ..:26:
واللي تخاف تجرب تسأل اي دكتور اطفال اذا كانت هذي المكونات تضر والا لا ..
لا تنسونا من الدعاء ..:26: