بسم الله الرحمن الرحيم
السلام عليكم ..اخواتي العزيزات ..ببدأ معكم الموضوع على طول وبدون اي مقدمات
حبيت افيدكم من تجربتي الشخصيه مع ولدي اللي عمره 6سنوات ونص
ولدي (كثيييييير يلعن) وعند ابسط سبب حاولت معها كثير وفهمته انه حرام ومايصلح ..و...ومن هالكلام ومافيه نتيجه مستمر باللعن واستخدمت طريقه نفعت معاه خلال اسبوعين ولكم الطريقه
اشتري من عند المكتبه اومن محلات ابو ريال لصقات النجم اللي على شكل نجمه ولك الخيار باي شكل بس اللي نفع معي النجم
وعلقي ورقه بغرفة طفلك او في اي مكان يحبه وحددي له وقت مثلا اذا مر ثلاث ساعات ما لعن لصقي له نجمه وكل ماطول الوقت ما لعن زيدي بعدد النجمات واذا نسى ولعن قولي له ترى تطيح نجمه وبكذ يكون حريص مايلعن عشان ماتنقص النجمات وعشان تتمتلئ الورقه نجم واذا امتلئت قدمي له هديه واشكريه
ووصلي له ان اللي يترك اللعن ربي يحط له حسنات ويجازيه اكثر من النجمات ..وبتوصل له المعلومه بشكل مبسط يستوعبها عقله الصغير
ملاحظه اذا احد من اقارب طفلك زاركم خليه يشوف الورقه ويثني عليه عشان تكون حافز له لترك اي سلوك سيئ سوء كان لعن اوغيره
نقلت لكم تجربتي للفائده مثلما افتوني في امور كثيره
وشكرا لكم
يلزم عليك تسجيل الدخول أولًا لكتابة تعليق.
عــــــــــــروب
•
الله يجزاك خير ..بس انا بنتي صغيره (4سنوات)تتوقعين تنفع معها الطريقه؟..
الصفحة الأخيرة