طفله

يسعدني
اكون اول من رد عليك
اتمنى تكون هذه القصيده هي المطلوبه

بعدها الطفله
بعدها تحبك
بعدها تعيش وهي بعيده في قربك
وقلبها الطيب الحبوب
يغني دوم باشعارك
ويطير فرحان لما يسمع اخبارك
بعدها الطفله
يا طفلي
بعدها
تحبك

تسلمي ..... تسلمي ....... تسلمي ...... جد اسعدتيني
وهذي الابيات جدا حلوه ... بس كان ودي كل واحده تعرف ابيات تكون بعد فيها كلمة طفله تساعدني فيها
بس اكتشفت للاسف ان معظم العضوات قبل ما يفكروا بالرد يشوفوا بالاول اسم العضوه ... ويكونوا اهتمامهم في اللي لهم فتره بالمنتدى وباسماء معينه .... بالرغم من ان الجديد يستحق اكثر
لكن انتي يا عسل بردتي قلبي ... واذا عرفتي اي ابيات ثانيه الله يسعدك يا ريت تكتبيها

اوكي ياقلبي لك مني احلى قصيده بس ابيك تدعين لي بالتوفيق والستر والعافيه


عنوان القصيده



((( يووم اانا طفله )))



سقى الله يوم انا طفله انام ولا احد قدي
ولا احاتي هموم اليوم ولا احاتي امل بكره
تداعب امي بشعري وتمسح يدها خدي
ونومي هادي وساكن رعانا الرب في ستره
تداعب يدي الدميه وعندي هالزمن وردي
همومي لعبتي ضاعت !! وعندي هم وش كبره
كبرت وزادت همومي احس ان الزمن ضدي
كبرت ونظرة الطفله تعيش بداخلي فطره
كبرت !! وعشت هالدنيا كبرت ولاهو بودي
كبرت !! بشكلي ورسمي وعقلي باقي ( بصغره)
وصار الهم يلعب بي كما الدميات في يدي
واسهر ليلي بطوله ويعلن رحلته فجري
زماني (كشر بنابه) وصبري بيح بسره
حياة بحرها هادي وكلن غارق بشره
ياليت وليت انا (( طفله)) انام ولا احد قدي
ولا احاتي هموم اليوم ولا احاتي امل بكره !!!




اتمنى تعجبك حبيبتي ودعواتكم ياحلووين

تسلمين اختي سكايب ... وياااااااااااااااااارب مثل ما فرحتيني وعبرتيني ....... ان الله بوفقك ويسعدك ويعطيكي كل شي يطري على بالك
تسلمين مره ثانيه وجزاكي الله خير

اتكنى اعرف كنت افدتك