طفله ابكتني واحزنتني ودعيت لها في سجودي 💔

اولا الحمد لله على ما نحن فيه من نِعم ورفاهيه والله يديم علينا ويزيدنا من فضله
ويفرج عن كل محتاج ومهموم من المسلمين


حكت لي قريبتي وهي معلمه في الابتدائي عن الحفلات اللي تصير نهايه الدراسه
وكل فصل يسوون حفله مشاركه من كل طالبه اللي تجيب كيك واللي تجيب مشروبات واللي تجيب فطائر واللي عليها الشبسات وكذا.....
المهم تقول احد الفصول نادوني عشان احضر حفلتهم
وكان فيه بنت جالسه ما شاركت بالحفله
وهي تعرف وضعها عايشين على الضمان الاجتماعي
وابوها الله يعلم في حاله وعندها اخوان واخوات كثير وكلهم مافيهم متوظف ..
قالت لها يافلانه تعالي كولي معانا
ردت البنت لا يا ابلا ماراح اكل الا اذا جابت لي امي كيكه بتجيبها بعد شوي
طبعاً هي تكذب بس عشان ما تحرج نفسها
المعلمه اصرت عليها وهي ترفض بشده
تقول المعلمه تركتها ما بغيتها تنهار وتبكي قدام البنات
طلعت من عندهم قلت يمكن تغير رأيها
بعدها جت عند المعلمه تقول يا ابلا بطني يوجعني اعطيني دواء
تقول قلت لها ما اقدر اعطيك الا اذا انتي اكله شي قبل
قالت لا ما كليت
قالت خلاص روحي كولي فطورك وتعالي
قالت ما معي فطور 💔
تخيلوا طفله تشوف البنات ياكلون من ما لذ وطاب ومانعتها عزه نفسها تأكل وهي ما جابت شي
والله العظيم بكييييييييييت لحد ما اوجعني راسي
الله يرزقهم ويفرج عنهم


وصيتي للمعلمات انهم يمنعون هالحفلات تجنب لمثل هالموقف يا انك تسوينها انتي يالمعلمه وتتكفلين فيها والا تمنعون الطالبات يسوونها
واللي تبي تحتفل تحتفل ببيت اهلها