طفله ام سنه ..وش الحل؟؟

بنتي كانت مثلها يمكن لاننا عودناهم احنا بصراحه انا الي كنت لاصقه
ببنتي تقولين اول وحده تخلف ههههههه

بس لما كبرت طفشت بتعلقها

انتي تقولين عندها خوات انا ماعندها احد وابوها مايتحملها يطفش بسرعه

حاولي تخلينها مع اخواتها وصيهم يلعبونها مكعبات رسم في الكراسه شخبط خابيط يعني

خليهم يشغلونها عنك شوي عشان تتعلق بهم

ياعسل ماهذي هي المشكله ماحد يملا عينها الا انا؟؟؟؟
تلعب معهم بس تطفشهم صياح تبيهم يفتحون الباب؟؟تبي ماما .واذا جتني ع طووول بالحجر؟؟
بس تمسكه مصه وبس؟؟؟
ناس قالو طنشيها ؟؟؟بس الصووووت يزعجني ازعاجها.....بسكتها وبس
مشكوووره قلبي ع المرور..
بنتظاااار تجارب البقيه

اقولك افطميها وارتاحي سنه يكفيها
انا ماارتحت من بنتي الا لما فطمتها وشربت الحليب بالقاروره بعدها
الله يهديهم

كم ترتيبها في اخوانها
عموما
احس انك ما اشبعتيها عاطفيا فتحاول تحجزك لها بالرضاعه وتمسك بيدك
يعني لو كانت الثالث وما بعد فهذا نقص ومحاوله تملك تبي تثبت وجودها
الحل
اول شيئ في الصباح قوميها فطريها وجيبي العاب والعبي معاها
وبعدين روحي عنها العبي معاها لعبه تتخبي وهي تدور عليك
وسولفي معاها كثير وحددي مصطلحات يوميه تتكرر لها عشان تحفظ وتصير تتكلم فيها
لا تشيليها ولا تعطيها صدرك بدون تنظيم انا انظم لاطفالي الرضاعه الطبيعيه والرضاعه وغالبا ينفطمون بعد السنه مع التسنين والحمى يعافون يرجعون يرضعون فارتاح منهم لذالك مو كل شيئ تطلبه تعطينها على طول وخاصة انك تعرفين انها مو جوعانه
فحتى لو بكت طنشيها لو شافت ان زعلها وبكاها ما اعطى نتيجه رح تلتفت لطرق ثانيه
لما تمسك يدك انزلي لمستواها وبعدي يدها وخليها تمشي لو رجعت تمسكك تجاهليها وتحركي بسرعه
وكلمي خواتها لو بكت جلسيها بعيد عنك وكلميها رح تفهم انها كلما بعدت رح تتكلمي معاها فتصير ما تمسك يدك
اقضي معاها وقت نوميها قبلك بساعتين
خصصي وقت العصر تلعبين انتي واياها وكل اطفالك او ياخذها زوجك يطلعها من البيت ان شاء الله حتى بس تمشي للبقاله وترجع مع ابوها
عشان تحرق الطاقه وتشبع حاجتها في الاحتكاك بالاخرين يعني توسعين لها دائرتها الاجتماعيه
وترى في اطفال بطبيعتهم استقلاليين والحمد لله هذي طبيعة اولادي والسبب
اني ما انومهم بجنبي وهم صغار معودتهم على النوم بسريرهم وتنظيم اوقات الرضاعه اوقات النوم واخصص وقت للعب معاهم واشباع عاطفتهم وكمان اللعب ينمي مداركهم وذكائهم ابحثي عن طرق الالعاب اللي تناسب عمرها

انتي عارفه الحل واضح
بس انتي ماتبين هالحلول

واضح من ردك وموضوعك يأختي الحلول بس ماتبين تطبقيها

وانتي عودتيها مره على كذا