انا بنتي دخلت الشهر السادس وتصدقون لو اقولكم ماعطيها غير الحليب؟؟؟

ومراااات اعطيها تمر يعني فرده تمره ....واذا حبيت اوكلها شي عطيتها الاكل المهروس المعلب

والسبب لاني ماعرف شلون احضر لها الاكل بالضبط :( وماعرف شنو الاكل الي المفروض تاكله والكميه الي لازم تاكلها عشان جذي خليتها على الحلييييييييب

ليمووووووووووووووووووووووونة.. حرام عليج.. انزين ليش ماتسألين البنات مايقصرون هنيه..

عالعموم ان شالله بفيدج والخوات بعد.. شوفي بالنسبة للطاززززززج أكيييييييييييييد أحسن مليون مرة من المعلب..

ألحين ابدي وياها بشوربة الخضار وايد مفيدة الهم.. بالبداية ابدي بكمية بسيطة لين ماتتعود عليه بعدين زيدي الكمية.. في قدر صغير قطعي نص حبة كوسا ونص حبة بطاطس ونص حبة جزر… مع ماي وخليهم لين ماتلين الخضار.. بعدين حطيها بالخلاط مع الماي مالها.. وبس بعدين حطيها بالمرضعة اللي فيها ملعقة.. وأعطيها بالعافية عليها.. خليها كم يوم على هذا الحال وقت الغدا..

بعدين للعشاء.. خليها كم يوم على روب بالبداية ملعقتين بعدين زيدي الكمية لحد ماتخلص العلبة كاملة..

بعدين فترة العصر أعطيها كستر ( كاس حليب + ملعقة كبيرة كستر ,ملعقة كبيرة سكر ) على النار لين ماتغلظ الخلطة.. ممكن بعدين تضيفين شعرتين زعفران عشان يعطي طعم حلو..

أو ممكن روب بالفواكة.. المراعي حلو.. ممكن كريم كراميل المحضر بالبيت من الحليب أو الجاهز من المراعي..

ممكن فواكة.. موز مهروس أو تفاحة مبشورة.. بس طبعا كل كم يوم جربي شي.. مب كله مرة وحدة.. والمساعدات فارليز أو سيريلاك..

جربي العصاير الطازجة.. وأي سؤال أنا والخوات حاضرين..

السلام عليكم
ممكن تأكليه سيريلاك (قمح ولبن) الميزة انه فيه لبن
شوربة خضار (كوسة - جزر - بسلة - فاصوليا خضراء - قطعة لحم فراخ من الصدر) وتسلقيهم سويا حتى تتهرى المكونات كلها وتضربيهم كلهم فى الخلاط ويأكلهم بالهنا والشفا
وفواكه (جربر) ممكن تقسم على مرتين (مرة بعد السيريلاك والنصف الثانى بعد شوربة الخضار
وصفار البيض (المسلوق نصف سلق ) قبل الرضاعة
هذا النظام كتبه الدكتور لابنى

بنات هل اقدر اعطي المهلبيه(حليب +نشا+سكر ) لطفل في بداية شهره السادس ؟؟؟؟؟؟؟؟؟؟؟؟؟؟؟

أختي سحابة خير الغاليه أنا أعطي بناتي المهلبيه من وعمرهم بداية الخامس
والحين في بداية السابع ................:o:o
وشكرا للاخت هديل الي استفد نا بهاالموضوع0000:27:27: