أعتقد ماهو عين مس اقري سورة البقره،،يوميا في بيتك

الله يجزاكم خير ويكتب مساعدتكم ودعاءكم في ميزان حسناتكم
اخذت بنصايحكم هذا انا مشغلة القرآن على طول ومواصلة على رقيته من خمس شهور ويطلع في جسمنا كدمات انا ملونه وهو رمادية
مع اني بالرقية انويه هو فقط ولاانوي نفسي معاه لكن الحمدلله مااشوف اي تحسن الحمدلله على كل حال والله كريم
وجمعنا العابه في غرفة وهو اصلا مايلعب فيها احاول اشغله فيها عشان اعرف اشتغل وانظف لكن يخاف من اطلع يصيح
شايلته اغلب الوقت معاي الله يسترعليه تعبني تعب الله اعلم فيه الله يهديه ويصلحه ويحفظه
والوراثة الله يجزاكم خير مافي ابداااا في عايلتنا احد فيه شيب بل على العكس حتى شيابنا نادر يطلع فيهم الا ورا الخمسين
سبحان الله
الاسبوع هذا بدا يطلع في شعره من ورا بعد الحمدلله على كل حال ولاحول ولاقوة الا بالله اللهم اليك المشتكى
انا عارفة الشيب يمكن ماله دخل في العين لكن الاكيد انه مخترع ومرعوب والا ماتحول الشعر فجأة ابيض على طوله
يعني مو نابت جديد لاشعر من شعره قالب ابيض اسأل الله ان يرحم ضعفنا وينزل علينا شفاءا عاجلا لايغادرسقما
وحدة معالجة بعد نصحتني للعصفر شكلي بجربه يااختي اريج
والشقة الله يعافيكم طلعت منها ولا لي اي علاقة في كل اللي جوني وقد اخذت من اثر اغلبهم اللي تكلموا فيه وسبحته فيه ومالي علاقة الا في عايلة او اثنين وبرجع اخذ اثر من اللي بقوا الشكوى لله مع اني استغفر الله اكره اخذ اثر من احد لكن مابقى في يديني حل وربي شيبت من الهم والتعب والسهر ووجهي وحالي تغير كني مر علي عشر سنين الله يحفظه لي بعافيته وصحته ويشفيه لي يارب وبحاول اواصل مع الشيوخ هاليومين ونرجع نواصل الرقية بحول الله وقوته

اختي انسانه حائرة لك رسالة عالخاص جزاكم الله كل خير مقدرة كل كلمة ونصيحة كتبتوها بارك الله فيكم
اخواتي اليوم صار له شي غريب ورب البيت اني شوي واصيح انا من الخرعه من قلب روعني الله يشفيه ويعافيه
هو الله يعافيه مايتكلم الى الآن كمل السنة مايقول لا بابا ولا ماما ولاشي احيانا من فترة لفترة يقول دادا كذا يرددها لحاله
اليوم نايم كالعادة 8 الصباح هو نومه مقلوب من عمره 5 شهور ينام بالنهار وطول الليل صاحي عجزت اغير طبعه
المهم فجأة صرخ جنبي واخذه كالعادة واناديه عشان يصحى وينتبه من الحلم هو بالعادة يطول لين يصحصح وينتبه انه حلم لأنه مغمض او انه يطرش ويصحي
هالمرة ياخواتي جته الحالة قام يصرخ يصرخ وامسكه واحطه بحضني وهو مفتح يطالع بوجهي ويصيح بكل قوته وفكه السفلي يرتعش ويردد يادادا دادا ويرجع على ظهره مايبيني خايف مني ويقعد يدور يدور على السرير مسرع يحبي وربي بسم الله عليه كنه مقروص مايدري وين يروح مسكين ويرجع لي من الخوف
ولاقرب طالع لوجهي وصاح وهرب ثاني مرة وانا اسمي عليه واقرا ويزيد واركض فيه للصالة والمطبخ والمجلس واوريه نفسه بالمرايا
ومافي امل يصيح دادا دادا واكلم ابوه خفت بسم الله يصير له شي من كثر ماصاح قال اقري عليه واناديه واشاورعليه واشاورعلى نفسي اقول ماما انا ماما واضمه ويتفلت مايبيني يصيح واطير اشغل القرآن عند راسه وهو يصيح بعدين هجد بعد ماقعد يمكن عشر دقايق وهو يشاهق من الصياح

خواتي الله يعافيكم وش اللي يخوفه مني ليش يسوي كذا انا خايفة بسم الله عليه نفس اللي تقول اختي اللي في الرد اللي قبلي بسم الله عليه
تعرفون اطفال كذا كل ليلة يصحون مرتين ثلاث يصيحون خايفين والا بس ولدي اللي يسوي كذا
ادهنه بالزيت يطلع فيه كدمات سودا ورمادية بسيقانه وانا بعد .. انا ماهمني اهم شي هو ولا اشوف اي تحسن في حالته مع ان المشايخ يقولون اذا طلع فيه اثار زين لكن صار له شهور وهو نفس الشي يطلع فيه حبوب والا كدمات هل هذا يعني ان العين تتجدد لاسمح الله والا وش القصة
هو نفس وضعه وتطريشه وخوفه وصياحه من نومه وضربه لراسه وشيبه يزيد ماتحسن الحمدلله على كل حال لك الحمد حتى ترضى يارب

اختي اسال الله رب العرش العظيم الواحد الاحد ان يشفي طفلك من اي دا سوا روحي او جسدي واسال الله ان يكون في عونك اختي ااصبري واحتسبي انا سمعت كثير انه الرقيع تاخذ وقت حتى يتحسن المريض لاتياسي ابدا ابدا لان هذا من ابليس يقول شوفي مده طويله وماتخسن شوفي وشوفي انتبهي بارك الله فيك
يمكن يوم طالع في وجهك مابعد صحصح ومايشوفك زين
دام طلع فيك وفيه اثار بعد الزيت معناته انتوا الاثنين فيكم شي بمكن عين
اارقي نفسك وارقيه
اسال ربي انك تغمضين عين وتفتحينها تلاقيه تشافى

بسم الله عليه الله يحفظه لك و يشفيه يااااارب
مثل ما قالوا لك اللي قبلي استمري ع الرقيه و زيت الزيتون المقري عليه و قراءة سورة البقره في البيت و انتي كمان ارقي نفسك
الله يشفيه