أم جقوري :

اختي الرقية انا اللي ارقيه من كم شهر اوديه للمشايخ يقرا عليه مرة مرتين ويقول داوموا ولا اقدر لاني ماعندي احد يودينا ابوه دايما مشغول ومسؤول عن عايلته مع ان كلهم موجودين عايشين ومتعافين وله اخوان اكبر منه لكن قاطين كل المسؤولية عليه لله المشتكى والولد تعبان تعبان فوق ماتتخيلين و80 % من الاعراض اللي عنده مالقوا لها تفسير في الطب غير تطريشه للحليب من ولادته اكله بعد اكله مايقدر على اي شي الا سوايل اي شي شبه صلب يقرب لطرف لسانه يطرش من عمر 9 شهور الى الحين كمل سنة بسم الله عليه وهذا ماله علاقة بالمرئ وتوسعه من بداية على لسانه يحس اي تكتل لو كبر حبة الفلفل سيريلاك او حبة رز مانطحنت على طول يطلع لسانه ويطرش والماء من ولادته للحين يشرق ويختنق فيه ولايشربه لاهو ولا العصيرات ولا كل السوائل وكل فترة نمسكه بالغصب بالشفاط ننقط في حلقه نتفة ماي وعيونه بدا فيها انحراف بسيط مع انه اول اسبوعين من ولادته عيونه طبيعية وطريقة نومه ضربه في راسه بالخشب صياحه وتقلبه في النوم طول الليل وكل ليلة وكل عمره ماينام طبيعي اذكري لي طفل واحد سنة كاملة طريقة نومه كذا ّ تعالي تفرجي عليه الحين وهو يتقلب عندي له ساعتين ونص كأنه مقروص طرش الساعة 2 ونص بالليل ونام على ال 3 وقعد يون ويصيح ويقوم ويلتف ويقلب ويضرب راسه في طرف السريرالخشب وفي راسي وفي فمي لين فقدت اعصابي وقعدت اصارخ عليه وقام يصيح وحرارة جسمه اللي كانه جمرة بعز الشتاء ولانقدر نغطيه لوغطيناه صب عرق وصحى يصيح وطرش ينام كل ليلة بدون غطا من كثر الحرارة نلمس جسمه وراسه مثل الجمرة ولما نقيس حرارته طبيعية ومع كل هذا معاه هالة حرارة يعني والواحد قريب منه يحس بحرارة حوالينه وربي اني اكون نايمه واصحى من نص نومي لو تلمس يده يدي او تقرب لها من كثرالحرارة اللي حوالين جسمه لدرجة انه ابوه حذفه علي قبل كم يوم بالسيارة قال غيري له حفاظته ملابسه رطبه واحلف له توي مغيرة له قال يمكن مسربة وانا اقوله تراها حرارة جسمه انا امه واعرفه لين لمس ملابسه وتاكد انها جافة والمشايخ من يجون يقرون يلمسون راسه ويحطون يدينهم يقولون اللهم اذهب عنه حر العين وبردها ووصبها الله يرفع عنه ويشفيه مو شيخ ولا شيخين ولا ثلاثة ولا عشر معالجات وكلهم نفس الكلام معاه عين والشقة امتلت نمل كبير مع اننا مو ارضي فوق واللي يجنن اي غرفة ننقل لها ننام وانا وياه ينقل ورانا النمل ويترك الغرفة اللي تركناها ونفس نوعية النمل الكبيرة اللي تقرص ومن طلعت من المستشفى بعد الولادة وحنا في الطريق لقيت وحدة تمشي على لفته وفتحت الباب حق السيارة وضربتها وسميت عليه وحركنا يوم وصلنا نص المسافة لقيت وحدة تمشي على جبهته واحنا في السيارة وضربتها وفتحت باب السيارة وشلت كل ملابسه بالشارع ولفته ونفضتهم وقعدت اقرا عليه ولما كثر النمل بالشقة واذانا بالقرص كلمت مشايخ قالوا عين وطلعت من الشقة بكبرها لان اغلب جاراتي يقولون في وجهي انتي بكرك ولد وانتي وانتي لاحول ولاقوة الا بالله وولدك موب شين ويقطون علي كلام وانا في نفاسي لاحول ولاقوة الا بالله مو حاسين اني راح لي 4 الله يشفع فيهم ومن ضمنهم بنات وعمري اللي فالثلاثينات وتليفات رحمي ومرض قلبي وولادتي قيصري ونفاسي لحالي وتعبي كله ماطقوا له خبر همهم على هالصغير اللي طلعت فيه من الدنيا اجل شيسوون لو شافوا اللي عندهم 4 عيال و5 لا اله الا الله مع ان اغلب اللي جوني وقططوا علي كلام عندهم ولد او اثنين على خمس و6 بنات يعني عندهم عيال ماهم محرومين والباقيات اغلبهم متاخرات بالحمل لهم 4 او 6 سنوات ماحملوا الله يرزق الجميع ودليل كلامي ان عين من كان صغير طلع من المستشفى كان يرضع صدري طبيعي وبعدها باسبوع لما بدت الزيارات صار لما يرضع صدري يغص بالحلمة نفسها ويختنق ويطرش مع ان مافيني حليب كثير ابدا وصدري مو كبير واضطريت مع هالحالة اعطيه رضاعه رضعها وبدت نفس الاعراض يغص ويطرش ولما كبر شوي وصار يفهم صار لما يشوف الرضاعة في يدي يغص ويكح ويحاول يطرش لين نخبيها عنه والا غفى نام عطيناه ويرضع طبيعي صحيح قليل لكن كان يرضع واذا كان صاحي 8 سااااااعاااااات ومرات 12 ساعة مايقرب لها ولا يبيها يقعد يصيح من الجوع لكن مايبي يرضع هذا وش دليله بالذمة مو دليل انها عين واضحة وضوح الشمس يرضع وهو نايم لكن اذا صاحي يشوفها لو اموت ماقدرت اعطيها ياه لدرجة ان الاطباء اخذوا مني الرضاعة وحاولوا نفس الشي قالوا مافيه حل الا بالابرة بالشفاط اشفطي من رضاعته ونقطي في حلقه كل فترة عشان مايذبحه الجوع منو طفل صار له كذا ؟ والحريم يقولون لي مافيه عظيم والدكاترة يقولون مافيه التهاب بحلقه ولاشي كل هذا وتقولين مافيه شي ؟ والحين بعد ماكبر اقوله تبي ننا يعني رضاعة ويطلع لسانه ويغصغص ويسوي نفسه يطرش من يسمع اسمها الى هاللحظة وكل اللي شافوه مستغربين آمنت بالله ان التطريش سببه عضوي لكن نومه وصراخه وتقلبه وخوفه وشيب راسه هذي كلها شنو تفسيرها ؟ مافي شيخ ماشافه ماقال لنا ان معاه عين والدليل اللي يقنعك مليووووون بالمية لما ندهنه بزيت مقري يقلب كل جسمه كدمات سودا حتى مو ملونه مثل جسمي لا كدماته المسكين سودا وحب احمر يملا وجهه وجسمه اسالي اي شيخ مبتدئ ويقولك ان الكدمات والحبوب وحرارة الجسم من اثار العين اكثر من كذا ماراح اتكلم ولا اقول الا حسبي الله ونعم الوكيل في كل من تسبب باذية هالمسكين ووصلنا لهالمواصيل الناس نايمة وانا قاعدة بملابسي عليها تطريشه ولي ثلاث ايام انام بدون لحاف كل لحافاتي بالمغسلة ونفسيتي وصلت للعدم

اختي الرقية انا اللي ارقيه من كم شهر اوديه للمشايخ يقرا عليه مرة مرتين ويقول داوموا ولا اقدر لاني...