مشتاقه للماضي @mshtakh_llmady
عضوة جديدة
طفلي المصاب بفرط الحركه ومعاناتي
السلام عليكم ورحمه الله وبركاته عندي ولد عمره ست سنوات مصاب بفرط الحركه وتشتت الانتباه ونسبه الذكاء 80:44:متعبني في حياتي الله يصلحه ويشفيه مع انه نراجع به وياخذ علاج بس مقدر اصيطر على عصبيته والحركه تخف مع العلاج وبدون العلاج الله لايوريكم عنيف وعصبي وحركته فضيعه والله صرت مقدر اطلع ولا اروح جمعات وكل الناس ماخذين منه موقف لانه اذى اطفالهم الله يصلحه حتى اهلي واهل زوجي ما صاروا يحبوا يختلطوا معنا كثير ويتجنبوا يقولون لنا اذا عندهم سمره او جمعه الشي ذا ماثر على نفسيتي مره وصرت ماخذه معي حتى عند اهلي اخليه دايم في البيت مع ابوه ولا يروح حتى عند اهل زوجي لان ام زوجي ماتحبه وتتضايق منه انا زعلانه على ولدي وعلى حالته منبوذ من المجتمع اللي حولنا واقاربنا ودايم يبعدون بزرانهم عنه لانه بعض الاحيان مايسيطر على حركته وهو يدرس تمهيدي وماشي كويس الحمد لله وبيدرس السنه الجايه وخايفه مايمشي بالدراسه على قولت الدكتوره لانه من بطيئي التعلم ياليت اللي عندها ولد زي كذا تقولي كيف تتعامل معه وهل في الدراسه مشى كويس وعنده مشكله تأتأه وهل طريقتي صح اني ابعدته من الناس اللي حولي يعني مايروح بيت اهلي او بيت اهل ابوه يمكن كل شهرين اوثلاثه مره بس تلتقي فيهم بعض الاحيان في كشتات خارجيه ابعدته عنهم لاني ماخذه منهم موقف لانهم دايم يسبونه مايدرون انه تعبان يحسبون اللي فيه قله ادب ارجوكم ادعوا لولدي بالشفاء العاجل والله اني بحاجه انا وياه للدعاء وضعه محزن مو قادر يعيش طفولته اسال الله العظيم ان يشفي ولدي ويقر عيني وعين ابوه بصلاحه وهدايته وجميع مرضى المسلمين
19
3K
يلزم عليك تسجيل الدخول أولًا لكتابة تعليق.
الله يآجرك فيه إن شاء الله
حاولي ما تعطينه المينو..والحلويات إلي فيها الوان تراها تزيد من حركته
بنت خالتي عندها طفل نفس صفات طفلك...وأنا حاسة بيكي وبالناس إلي حواليكي
لأننا عايشين هالموقف
ولدقريبتي ..الله يصلحه ما يجلس ...من كثر شقاوته أمه صارت تتركه يشاغب ولا تمسكه في بيت الأهل...لدرجة أحيانا بعضهم ما يقول لها لما يكون فيه جمعات...هي الله يهديها تعرف إنه السبب ولدها...لكنها تجيبه في أي مكان تروحه..يعني من كثر شقاوت(( يفتح ثلاجة الناس ...حتى مكعبات الماجي ما سلم منه))
أعتقد إنتي تسوين صح....إنك ماتاخذينه معاك
حاولي ما تعطينه المينو..والحلويات إلي فيها الوان تراها تزيد من حركته
بنت خالتي عندها طفل نفس صفات طفلك...وأنا حاسة بيكي وبالناس إلي حواليكي
لأننا عايشين هالموقف
ولدقريبتي ..الله يصلحه ما يجلس ...من كثر شقاوته أمه صارت تتركه يشاغب ولا تمسكه في بيت الأهل...لدرجة أحيانا بعضهم ما يقول لها لما يكون فيه جمعات...هي الله يهديها تعرف إنه السبب ولدها...لكنها تجيبه في أي مكان تروحه..يعني من كثر شقاوت(( يفتح ثلاجة الناس ...حتى مكعبات الماجي ما سلم منه))
أعتقد إنتي تسوين صح....إنك ماتاخذينه معاك
ماشاء الله عليك حاسة بمشكلة ابنك انا اشوف اغلب الامهات تعرف ان الاطفال اذا اجتمعوا كثرت مشاكلهم ومع هذا تجيبهم لكل تجمع
الصفحة الأخيرة
الله لايحرمك الأجر ويعينك