طفلي المنتظر

شوفي حبيبتي .. اولا الله يصبرك ويعينك .. لا تتضايقي وكلنا الحال من بعضه
لكن لا تقولي اللي عنده العدد صفر ماله علاج .. لا فيه علاج .. لانهم يسحبون حيوانات منوية من الخصية .. وهذا طبع بعملية وهي بصراحه دقيقة نوعا ما .. لكن لا تقولي مافية علاج .. ربي خلقنا من قبل من ولا شي وهو اذا اراد شيئا فانما يقول له كن فيكون..

اللـــــــــــــــــــــه قادر على كل شي حبيبتي
توكلي على ربج وما بيضيعج ان شا اللـــــــــــــه

أصلا من الاساس كيف تحكم هالدكتوره على ريلج من غير ماتعرف حالته؟؟؟اختي رحمة رب العالمين أكبر من كل شي والحاله النفسيه السيئه اللي عايشين فيها انتي وريلج لها دور كبير في حياتكم00ياما ناس حالتهم أصعب من حالاتكم ولما الله أراد لهم هالشي كتبه في لحظه وحده؟؟؟لا تروحين على كلام الدكاتره والله ماوراهم غير الياس والاحباط00الله كبير وبأي ساعه قادر على انه يرزقج بهالنعمه بس الكلام اللي انتي كاتبتنه يدل على انج تعيشين حاله نفسيه سيئه وهذا غلط00وكلي أمرج على الله وحده واطلبي منه قد ماتقدرين00خلي ريلج ينتظم بالعلاج ويكثر من الدعاء والاستغفار والالحاح00وان شاء الله مايخيبلج ربج رجاج فيه00الدنيا ماتسوى تكدرين خاطرج وتنكدين على عمرج عسبة شي الله بلاج فيه00يمكن هالشي خير بالنسبه لج 00يمكن هالانسان خير لج00ماتدرين واخر كلامي لج ابتعدي عن وساوس الشيطان ودايما ذكري ربج وان شاء الله راح تحملين بقدرة واحد أحد000

تسلمون حبيباتي على ردكم الطيب
اصدقون وانا اقرا ردودكم اني قمت اصيح بحرارة
ماعندي حد يخفف علي..زوجي مسافر..حتى لو كان موجود اكيد ماراح
اخليه يحس اللي فيه يكفيه..بس وجوده وايد يخفف علي
اصدقون كل مرة يسالني اذا انا مرتاحة وياه ولا لا
يقولي اكيد انتي مب مرتاحة عسب هالمشكة
واقوله مب شرط الي يكون عنده عيال مرتاح...اكيد في مشاكل تواجهم
واقوله كلام بس عسب يحس اني انا مب شايل هم العيال
وانا من وراه اصيح صياح...طبعا من اشوف وحدة حامل او وحدة مربية
صدقوني مااحقد عليهم...بس ترى فطرة الامومة عندي تلعب دور

أختي حبيت أنقل لج قصة كتبتها وحده في المنتدى بس للأسف ما أعرف أسمها
حكتلنا عن زوج و زوجته بعد ما تأخر الحمل راحو فحصو و بعد الفحوصات تبين أن الزوج عند الحيوانات المنوية صفر، وبعد علاج و مراكض مني و مناك قررو يسوون عملية بعد ما أستخارو الله
و العملية هاي عبارة عن أخذ حيوانات المنوية من الخصية
ويوم سووها تبين أنهم ما لقو غير 4 حيوانات منوية
تخيلي 4 حيوانات منوية وبعد الحقن تم بس تلقيح بويضة وحدة بس
وحملت الحرمة ويابت ولد وسمته محمد
هاي القصة فيها وايد من رحمت رب العالمين
لا تضعفين وصدقيني لكل شي حكمة