طفلي الوحيد وقلبي منقطع عليه يارب

طفلي من لما ولد وعنده مشكلة الاستفراغ بكثرة وكنت عارفة انها منتشرة عند الاطفال خاصة بعد الارضاع ولدي موبس بعد الارضاع لا كل وقت وبعد كل رضعة وبمناسبة ودون مناسبة لوشرب وكرعته نفس الشي يعني حالته حالة انتظرت تمر الشهو الاولى وانا ادعي فترة وتمر واستمرت معاه بشكل كبير ادنى شي ماعجبه الاكل يكح كحه بسيطه يكثرحليب وغيره وغيره ودااااااااااايما انحرج واخاف لاطلعت وديته المستشفى قالوا مافيه شي ماسووا تحاليل ولا اشعة ولاشي قالوا نظمي الوجبات لاتشربينه في الليل ومن ذا الكلام وسويت اللي قالوا عليه واستمرت الحالة وديته عتد ممرخه وهو حالته حالة من هالاستفراغ اللي انهك جسمه واتعبه وصارنحيييييف وسوتله تمريخ ونصحتني اوديه عند وحده تسويله تحنيك وديته عند عجوز وسوتله ثلاث مرات وقالت خلاص الحمد لله خف عتده شوي بس مازال واحيانا يمراسبوع واكثر وهو مايستفرغ وترجع حالته وصحته ماشاء الله لكن في رمضان اللي فات وتحديدا في العشر الاواخررجعت عتده الحاله وهو نايم يعني بعد ساعة ساعتين يفز من النوم ويجلس مثل المخنوق ويفرفر واتا امسكه او ابوه ويجلس يحاول حتى احسه بيموت وينخنق الين مايطلع الاكل اللي في بطنه بعده يرجع ينام عادي ويرتاح ويطلع الاكل مثل ماهو لومن الظهر والحالة مستمرة معاه للحين والله صرت اخاف لاتام اوبدا يتحرك في الليل ولازم اكون قريبة منه عند نومه
قلتا يمكن فترة الاسنان يمكن كذا وبعض الاطفال كذا وديته قبل فترة مستشفى وشرحت للدكتورة الوضع قالت بنسوي له اشعة صبغة وتحاليل الصبغة مارضى يشربها فسووله اشعة عادية والتحاليل صراحة ماعرفت اخليه يتبول في العلبة الله يكرمكم وابوه اهمل الموعد وكل ليلة بعد الاستفراغ اقعد احاسب زوجي ونفسي البارح قعدت اخاصمه واقوله لازم تضبط الموعد من جديد والله مانمت من الهم على ولدي هو وحيدي
واحيانا احصنه واقرى الاذكار لكن مودايم روشته وشربته مويه زمزم
الدكتورة قالت يمكن معدته مفتوحة وعادي يارب لين متى وليه ماتعطيه علاج وتريحه وراح احاول ارجعلها باقرب فرصة اذا ابوه مهمل ماعاد بسكت وبوديه لحالي بس كيف اسوي بالتحليل انا قاعدة اقول ايش فايدة اروح عندها بدون تحليل ولا اشعة صبغة ودكتور الاشعة قال خطيرة عليه
والله هالموضوع مهممني ومحزني مرررررررره على ولدي ولاشفته يفز من النوم ويستفرغ مثل المخنوق اللي بيموت قلبي بيتقطع
هذي ماساة طفلي الله يشفيه ويفرجها علينا واطلب منكم المشورة