طفلي اناني جدا .. عنيد جدا + بنتي عندها مشكله في المشي ... ياليت تفيدوني. ((عاجل))

السلام عليكم ورحمه الله وبركاته
اتمنى الجميع بخير وباافضل صحه وعافيه

عندي مشكلتين في عيالي الله يهديهم
اول شي ولدي
عنييييد بدرجه ومع هالنقطه ماتهمني كثر ماهو اناني يبي يستحوذ على كل شي

حتى اذا عطيته هو واخته بسكوت ياكل حقه وياخذ حق اخته .. في كل شي اهم شي عنده نفسه

مدري صراحه وش اسوي به
اكلمه بالاقناع ان كل واحد له حقه ومايصلح تسوي كذا
ومره ازعل عليه واحيانا اهاوشه واخذ الشي منه بالغصب ويجلس يصيح ويزعل

عمره اللحين ثلاث سنين ونصف

ياليت من جربت مثل كذا وقدرت انها تعدل في عيالها تقولي كيف ؟؟

ثاني شي بنتي عمرها الان سنه وعشر شهور تقريبا لها 11 شهر ماشيه يعني مو جديد مشيها

وحده من رجلينها عادي تمشي بها الثانيه مايله حتى اذا ركضت ماتوطى بالرجل كامله

عرضتها على طبيبه عامه وقالت بالكشف العادي كويسه بس ابحولك على طبيب العظام بس للحين مابعد جاء موعدها .. اذا احد سمع بهالحاله او مر فيها يقولي وش سوا وش صار عليه لاني من جد خايفه حييل ان يصير فيها شي .


ومشكورين فديتكم

دمعه طفل