طفلي حبيبي ومعاناته مع السكر

السلام عليكم ورحمة الله وبركاته
كيف حالكم ... عساكم دايم بخيرر
انا متابعه هالمنتدى من زمان وحبيت اكون وحده منكم و أن شاءالله اكون خفيفه على قلوبكم
واللي اتمناه منكم ومن قلبي انكم تدعون لولدي حبيبي بالشفاء
ولدي جاه السكر من النوع الأول وهو عمره خمس سنوات والحمدلله ياارررب على كل حال
المشكله يا بنات اني ما اتحمل اسمعه يشكي لي ما اقدر اسيطرر على نفسي إلا وانا منفجره بكى واخاف من هالشي يأثر على نفسيته
هو ياخذ تقريبا من 4 - 5 ابر في اليوم اوقات يقولي انا تعبت يا ماما أو يرفض انه يأكل عشان لا ياخذ الابره اللي بعد الأكل واوقات يعصر المكان اللي اعطيته الابره فيه ويطلع الدواء ويسألني ليه اخوي ما ياخذ أبر زيي ليه انا بس
أحاول اني افهمه بأسلوب حلوو ويستوعبه بس فين وانا دموعي تسبقني حاولت كثير اضغط على نفسي بس ما قدرت
وأول ما اكتشفنا السكر عنده كان يدرس تمهيدي وطلعته من المدرسه وجبتله معلمه تدرسه وهو عندي لأنه لما يداوم تجيني حالة خوف غريبه واصير ارجف والله لحد ما يجي رغم أني كنت طول اليوم اتواصل مع معلمته واتطمن عليه بس برضو ما قدرت
وكان المفروض يتسجل هالسنه أولى لأنه كمل الست سنوات ولكن جلست اترجى في ابوه يأخره بس هالسنه والحمدلله وافق بعد عناء احسه مو حاس فياا
انا اخاف يتشنج ولا يغمى عليه وهو برا وما يعرفون يتصرفون معاه مثلا خصوصا بعد ما شفت دا كله صار فيه واحنا في المستشفى صرت أحس اني ما ابغاه يفارقني لحظه
اللي ابغاه منكم يعني الدعاء لي وله و الله يجزاكم الخير واللي مرت في هالحاله ياليت تفيدني بشي

• وسامحوني ع الإطالة اختصرت على قد ما قدرت