طفلي خايف من الطائرة ..وشلون بنرجع؟

السلام عليكم ورحمة الله وبركاته
انا عندي توئم الحين عمرهم ثلاث سنن وعشرة شهور
الخميس الي فات سافرنا بالطيارة من الرياض للباحة كان كل شي طبيعي يوم دخلنا الممر حق الطيارة بدى عبدالرحمن يقول مابي بنرجع لبيتنا ومسكت يده وكملنا وهو قول بنرجع بعدين يوم دخلنا الطيارة صار يزاعق ويصارخ حولوني وانا احاول اهديه ويوم سمع صوت الطيارة سد اذنينه ويقول مابي اسمع الصوت وتبول على نفسه ووجه صار اصفففففففففففففر ويوم بدت تقلع زاد زياده وقال ماابها تطير قلت خلاص بقولهم يمشون وشوي شوي انا واياه خمس دقايق يهدى وبعدين يرجع يصارخ ثانيه وطول الرحله على هالحاله وهو جالس على رجليني وحتى ونا نحول من الطيارة كان خايف من الدرج
بعدين رحنا لاهلي وصار الوضع طبيعي ورجع لطبيغته

السوال وشلون نرجع للرياض ؟
ومن مرت بهالتجربة؟
وهل للصغار علاج مهدئ؟