طفلي سمين ؟؟؟؟؟؟؟؟؟؟

مرحبا
خواتي ياليت تجاوبون علي وتبردون قلبي
ولدي الله يحفظه عمره 6 شهور
تغذيته عاديه وبالزور يرضى ياكل
اليوم كنت موديته للطبيب وقال لي انه وزنه زايد وعنده سمنه
وزن ولدي 9.5 كيلو
قال لي المفروض يكون بهالوزن وهو عمره سنه
بصراحه وايد تالمت
مع ان كل عيال خواتي لما صغار متان وبعافيه ولما يكبرون تتغير اجسامهم وزوجي لما كان قد ولدي ام زوجي تقول انه كان ضعف وزن ولدي
يابنات سؤالي هل ولدي صج عنده سمنه ؟؟
وهل وحده منكم مر عليها طفل من اطفالها نفس الشئ ولما كبر صار ضعيف وتغير وزنه ؟؟؟
ويابنات بالنسبه للرضاعه في الليل ,, يعني ولدي نومه متقطع ويقوم يرضع قال لي الدكتور اقطع الحليب عنه
شلون اقطعه وهو يقوم ميت من الجوع
شنو الطريقه الاحسن في اني اقطع عنه الحليب بالليل
عطوني رايكم يابنات وفيدوني وعسى كل وحده ترد علي الله يحقق لها ما تتمنى