حبيبتي اذا انتي في الرياض روحي لمستشفى السليمانيه للاطفال بنتي ماخليت دكتور ولامستشفى مارحت له على شان البلغم لكن والحمدلله من رحت لمستشفى السليمانيه نومها يوم عندهم وعطوها دواء تحت اشرافهم واليوم الثاني طلعت من المستشفى ومنها مارجع لها البلغم لليوم ولله الحمد من كان عمرها 7 شهور والحين عمرها 5 سنين..

مشكوره يا أم علاوي والحقيقه ان أنا رحت لاربعة أطباء وكلهم يعطون نفس الدويه مع تغير في المسميات
يعني يعطونه مضاد +مذيب للبلغم + دوا الكحه
حبيبتي شهوده للأسف لست في الرياض عموماً مشكوره على ها المعلومه أحاول أسافر فيه وإن شاء الله خير:26:

صديق اخوي في العمل اطفاله كلهم مثل طفلك داااااايم الزكمه والكحه معاهم ومن مضاد لاخر

لحد ما نصحكه احدهم باستعمال منقوع المره للاطفال ومن بعدها طااااابو

مرت عمي جيكة المره دائما في الثلاجه وتعطي منها اولادها ملعقه او نصف فنجال وما شاء الله تبارك الله عليهم وعلى صحتهم

المر مفيد مره مره لتقوية مناعة الجسم وماله اي ضرر

اذا تبين تستعملينه علميني واسال امي

تكفين غاليتي حوريه الحقيني بالطريقه الله يجزاك خير
اختك همس

هلا حبيبتي

من التاريخ مبين اني تاخرت بس والله حست على موضوعك المنتدى ومالقيته من بعد ما رديت علي عشان اشوف انتي تقبلتيها والا لا

بس اليوم بحثت في مشاركاتي وما خطرت في بالي الفكره الا اليوم

تجيبي جيكة مويه صحهمن ابو نص ريال وتمليها مويه فاتره وبعدين تجيبي المره وتكون جديده وتاخذي قطعه بحجم القسم الاول من اصبعك يعني الاصبع فيه ثلاث اقسام القسم الاول وماهي بهذي الدقه يعني تنقص شوي تزيد شوي مو مشكله وحطيها في المويه ودخليها الثلاجه لمدة يوم وبعدها استعمليها عطيه نصف فنجال الصبح ونصف المساء
لمدة اسبوع او اكثر شوي الا شفتيه تحسن خليه نصف فنجال الصبح ..والجيكه تكون في الثلاجه دائما

لكن اذا كان البارد ممكن ياثر عليه خذي المقدار المحدد وخليه برا الثلاجه لحد ما يفتر

عندي شيء ثاني بنت اختي عمرها سنتين زي ابنك لوز وكحه وما تنام الليل تاخذ مضاد تطيب من هنا وبعد كم اسبوع يرد لها

جابت لها اختي من الحسين للعطاره في الشرقيه دواء الصدر اسمه كذا وينقع في مويه وتشرب بنتها منه من ثاني استخدام وهي احسن بكثير

واخوي مجربه برضو صدره تعبااان وكان فيه رربو وهو اول من دلنا عليه

وهو عباره عن اعشاب مجمعه ومن ضمنها المر اصلا ريحته كلها مر ه



ولا تنسيييين تخبريني وتطمنيني