طفلي عمرة 7 ايام وعندة صفار

رحا ..
اول شي الحمدالله على السلاامه .. ومبروك ماجاكم يتربى بعزكم ان شاء الله ..

ثانيا
رحتي للطبيب وشافوا كم نسبة الصفره ؟ روحي بكره للطبيب ..

والطفل اذا جا يرضع يبذل مجهود فتشوفينه يعرق ويتنفس بسرعه .. بس الخرخره هذي ما اعرفها ..
ومادري وش قصدق بيفهق .. يعني يجيه بو شهاق؟ .. عادي عجايزنا يقولون يوسع المصير ويمتن الساق ..

سلام عليكم يا اخت رحا
بالنسبة للبوصفار. تعرضيه لضوء الشمس شي وايد مهم, و كثر ما تقدرين رضعيه رضاعه طبيعية لأنها تطلع الصفار من جسمه, و انصحج اختي للزيادة في الاطمئنان انك توديه للطبيب يقيس نسبة الصفرا في جسمه, لإنه زيادتها خطر على البيبي. و ان شاءالله ما فيه الا العافية يارب.

اختج طيبة

سلام مره ثانية
ابي ارد عليج بسرعه و نسيت اباركلج بالبيبي, الله يخليه لكم و يصلحه و يهديه يارب.
اما بالنسبة لكلام الأخت الله حيا عن البوفهاق, انه يوسع المصير و يمتن الساق, على قولتها هذا كلام عجايز لأنه انا بعد كنت اعتقد انه يوسع الصدر بعد من كلام الحريم الكبار و كنت ما شاءالله علي ما اعطي اعيالي ماي علشان تروح عنهم, لانها توسع الصدر . لكن طبيب اعيالي نبهني انه الشي هذا غلط !!!!!!!!!
البوفهاق دليل حموظه في معدة البيبي, من وين يات الحموظه الله اعلم لإني متعجبه من الكلام هذا. لكن حبيت اوضح ما قيل لي على لسان دكتور العيال في دبي
والسلام ختام :)

وديه الطبيب ومايشوف شر ومبروك ماجالك والحمدلله على سلامتكم جميع
بالنسبة للشهاق او الزغطة او شيء زي كذا ما ادري شسمها
عيال خواتي اول ماولدوا بهم خواتي انبهلنا مدري شفيهم طول الوقت خصوصا
بعد الحليب وقال الطبيب عاااااااااااادي دي مهمة عشان صدر الولد
يتفتح ويتنفس عدل .. بس الخشخشة الي تسمعيها في صدرها ما ادري
يمكن داخلة برد ضروري عرضه على المستشفى ..


الصفار لا تخافي لو كان كميته كبيرة كان المستشفى حجزوه
ولا طلعوه بس الحمدلله فيه صفار بسيط وديه المستشفى
واختي اعطت بنتها جلوكوز خاص بالرضع تلاقينه بالصيدلية
وهو معروف بإبعاد الصفار ...

الله يحفظه لك ويجعله بار بوالديه

طيبه الكويتيه

يؤ يؤ يؤ !!!!!!! كلشي ولا الحموضه ..ياشينها حملي كله كان حموضة وغثا .. ماتحملناها احنا يالكبار يتحملونها الصغار :(
مشكوره اختي ..