قفلي اليوتيوب
من الاعدادات

معليش حبيبتي انت غلطانة واسمحيلي بهالكلمة
يعني الاطفال ليش تسمحولهم بالاجهزة هذي اذا والله الطفل عنيد ومشاغب وحركته كثيرة جيبيله ايبود بدون شريحه وحملي له العاب وبس
لاتقولين والله احزن عليهم هم طفشانين ويحبون اليوتيوبات ترى والله ماخرب الاطفال الا المقاطع لانها مقطع يجر مقطع لين تطلع بلاوي الله يستر عليهم يارب
وحتى الالعاب انا مااحبها وضد ان الطفل يمسك جهاز بيده بس يوم قلت لك حمليله العاب لانه خلاص اتعود على الاجهزة ومراح يتركها بسهولة وهذا يعتبر حل للمشكلة بشكل بسيط
بكرة اذا صار للطفل بلا من هالاجهزة اعوذبالله قمتو تتصايحون واكثر بلوى تجي منها اعصاب الطفل تتلف ويصير عصبي ومايحاور احد وحتى ماتشوفينه يلعب مع اصحابه وان خرجتوا برى اول شي يهمه جهازه يكون معاه
ارحموهم الله يرحم والدينكم
بنتي الكل يقولي جيبيلها ايبود اقولهم والله معليش انا احب بنتي واخاف عليها ليش اجيبلها المرض من بدري خليها تلعب وتتحرك احسن من انها جالسة بدون اي حركة
لعلمك كثييير صار عندهم ضعف نظر بعد الاجهزة اللي طلعت
لو انا مكانك اشيل الجهاز عنه وخليه يصيييييييييييح لين يقتنع ان خلاص الايباد بح
الصياح ماراح يضره اكثر من مضرة الايباد
لاتزعلين من كلامي لاني بصراحة انفجعت يوم قريت عنوان الموضوع الله يحفظ لك ولدك ويقر عينكم بعيالكم يارب

روحي اعدادات بعدين عام بعدين القيود بعدين سوي تمكين القيود واختاري كلمة السر واحفظيها وبعدين اختاري اي برنامج زي اليوتيوب سوي لهم اغلاق ولما تطلعي تلاقي البرنامج اختفى وصار محجوب عنهم ^^

الله يهديه ويعينك

بس طفل اربع سنوات ولاب توب مره غلط لاتقولي الاجهزه صارت ضروريه لا والله مو ضروريه للاطفال بالذات للكبار انا مااقول شي لكن طفل له لاب توب واذا مرررره لازم خليكي معاه وحددي له وقت معين من الساعه كذا للساعه كذا وانتي معاه وبعدها شيليه منه يشوف له شغله ثانيه رسم كوره العاب دراجه افلام كرتون فيه انشطه ثانيه ممكن تلهيه
سجله تحفيظ او روضه
لاتخلي وقته على الاجهزه والله تتعبي لما يكبر شوي
وماجانا من ورا هالاجهزه الا اطفال كسولين وعصبيين واتكالين لاابداع ولاتفكير
الله يعينك حاولي توقفي وقفه حازمه مع الموضوع اليوم يااختي يتفرج ومو عارف حرمة الموضوع بكره ممكن يطبق وبسهوله مع اي احد لانه راح يعتبره شي عادي

الله يحفظه ويهديه

كلكم راع وكلكم مسؤل عن رعيته

انتبهتي مسؤله
اعدي الجواب على السؤال