طفلي عمره سنتين وسبع شهور ومشكله في النطق .. مين مرت على طفلها الحاله هذه

اول ماقرأت العنوان دخلت على طول وقلت يارب مشكلة تخص النطق ولما دخلت طلعت نفس مشكلتي ومعاناتي حتى كثير يحطون لاللوم علي واني مقصرة مع اني احاول كثير . ياليت احد يدلنا على الحل

عااادي خواتي
الاولاد ما يتكلمون الا في سن 3 سنوات
واذا تكلم يعرف كل شي مرة وحدة

بس البنات قبل

لا تشيلووون هم مطلقا ولا تروحون دكاترة

شوفي اختي بنتي كانت قليلة كلام او حتى ماتتكلم مررره
فصرت اجلس معها واتكلم معها واعلمها على كل شئ حتى احيانا تدخل معي المطبخ وتسأل وانا اجاوبها واطول بالي عليها
والحين ماشاء الله تتكلم وفصيحه
بس انا بقولك عن زميلتي ولدها عمره 3 سنوات و5 شهور والى الحين مايتكلم مع انه يسمع ويفهم بس ماما وبابا وراحوا مستشفى وقالت لهم الدكتوره لنه متأخر بالكلام مررررررررره وان عقله مافيه اي مفردات او كلمات وهزأتهم انه ليش تأخروا في علاجه
والحين له جلسات في الاسبوع 3 مرات وقالت انه ممكن يطول مايتكلم يعني لو جلس 6 شهور ماتكلم مو مشكله لان علاجه بيطول
وانا اقول لك لاتتأخرين بطفلك

نفس المشكلة صارت مع ولدي الأول بس أنا فحصته والأطباء قالوا لي طبييييييعي والحمد لله ...بس أهم شي يتأكدون من رباط اللسان (اللي يربط اللسان بالفك السفلي) لأن بعض الأطفال يكون رابط مساحة كبيرة من اللسان فيمنعه من النطق بطلاقة وحله بعملية جدا بسيطة. ويتأكدون من قدراته العقلية وسمعه ...وانت اكدتي انها طبيعية بفضل الله بس انت افحصيه وشوفي وإذا طلع كل هذا سليم أنصحك بما نصحت به...........دخليه روضة يحتك بأطفال من سنه ..وتتنمى قدراته اللغوية والعقلية ويتوجه نشاطه.

ولد أختي كذا عمره 4 سنوات والمشكلة عندة الكلام وعنيد وكلامه مو كثير يعني يقولك كم كلمة مفهومة بعدها كلامه زي الهنود مايفهم

وربي ضايق صدري حيييييل وشاسوي .. قالوا الناس عادي فيه ناس مابدوا يتكلموا فصيح الا يوم دخلوا المدرسه وناس قالوا ان عيالهم مايتكلمون من 3سنوات من اعمارهم والحمدلله تكلموا

بس ولد اختي صار له 4 سنين والله خايفة عليه حيل

الحمدلله يارب لك الحمد الولد ذكي ويفهم ويعاند ويحب الألعاب زي البلايستيشن والالعاب اللي في الجوالات وتعلم من النت كلمات انجليزية وحروف انجليزيه بس كلام مااااااااافي مااااااااافي

وش اسوي وش افعل احد يقولي ويدلني والله اني ابكي عليه هذا بنسبه لي ولدي مو بس انه ولد اختي هذا ولدي

الله يحققلكم كل امانيكم وش اسوي وش اقول وش افعل