حبيباتي ,,
السلام عليكم ورحمة الله وبركاته ,,
أتمنى موضوعي مايندمج مع الاطفال من سن ست شهور لسنة لأن مشكلتي
عامة وتفيدني وتفيد غيري وابغى استفيد من خبرات الامهات السابقات ..
الله يجزاكم خير
أنا أم جديدة وربيت ولدي بغربة وبصراحة غلطت غلط كبير مرة ,,
وهو ان طفلي من بدا ياكل بعمر الست شهور بديت اوكله من اكل السوق
المعلب وكل اكلهم حالي شوي يعني ماهو موالح ,, حاولت اعطي ولدي
من اكل البيت خضار مسلوقة رز من اكلنا اطحنه له اول ماحطه بفمه يقول
يخخخخخ ويطلعه كله واذا كان بلع بعضه يستفرغ كل الي ببطنه ,,
وانا ماقدر اشوفه يستفرغ اخاف عليه ,,
وصرت اشتري له من الاكل المعلب لحد ماتعلق فيه
بس ارحمه الاكل المعلب مافيه الا زبادي بالفواكه
او رز بالتفاح والكمثرى
والحين باليوم اعطيه وجبتين وحدة الظهر زبادي بالفواكه
واعطيه الوجبة الثانية المغرب زبادي بالموز او الفراولة
والباقي رضعات
تكفون ساعدوني ,,
مرة عجبته ملوخية بس بعدها رفض ياخذها
اعطيه رز من اكلنا مو راضي عطيته مكرونة رافض
والدجاج واللحم نفس الشيء
الموالح مايحبها ابداً الخضار مستحيل ياكلها لو اعطيه مسلوووقة
ومرة جوعته وبعدها عطيته خضار مسلوقة ياعمري ياكل شوي ويقول يخخخ
ويهز راسه كأنه مستقررررف مرة وبعدها وقف ماكمل الاكل ..
انا ابيه يتعود ياكل مثل اكلنا ويمضع مثل الاطفال ,,
اخاف يستمر على هالوضع ويرفض هالشيء اذا كبر ..
والمشكلة هو من النوع اذا عجبه نوع من المعلب مستحيل اقدر اعطيه بديل
ثاني من المعلب لازم نفس النوع والنكهة ,, تعبت معه ,,
عطوني طريقة اقدر احببه في الاكل من اكلنا العادي ,,
وهل لازم اطحنه بالخلاط ولا يكفي بالشوكة ؟
للمعلومية هو عنده حساسية من القمح فما اقدر اعطيه اي شيء من منتجات القمح
لحد مايكمل سنة ونص ان شاء الله عشان الحساسية ماتستمر معه على طول هذا
كلام الدكتورة ..
الي ماعندها جواب تكفووون ادعولي ربي يهدي ولدي وياكل من اكلنا
ويعيني على تربيته .. وارفعوا الموضوع فديتكم
ياحبيلك صرتي ام مبرووووك يتربى بعزك ياارب
وبالنسبه للاكل بالتدريج لاتياسين منه حاولي معاه مره ومره لين يقتنع ويحبه
وانا مثلك اعاني من ولدي اعطيه اكل وعلى طول اخييييييه ههههه مزاجاتهم من الحين