عزيزتي نصيحة خذي بنتك معك
واقولك هالكلام عن تجربة رحت السنة الماضية ماليزيا وكان عمر بنتي 7شهور حتى كتبت موضوع في عالم حواء من كثر حيرتي اخذها او اخليها عند اهلي وكان اكثر البنات يقولوا خليها وروحي إستانسي

وفي النهاية توكلت على الله واخذتها معي لأني كنت متأكدة إني ماراح استانس وبنتي بعيدة عني
والحمدلله والله ماتتصورين شلون كانت الرحة ممتعة معها والله مو كلامي حتى زوجي يقول هالبنت يسرت علينا هالرحلة لأن كان لنا الأولوية في ركوب الطيارة والنزول وكانوا يراعون إلي معاهم رضيعة
مع العلم رحت لماليزيا في شهر العسل تخيلي بس انا وزوجي ومع ذلك كانت سفرتنا مع بنتي احلى بكثير
وطبعا عملت إحتياط من جميع الجهات وديتها الدكتور واعطاني ادوية وخافض حرارة وكان عند بنتي حساسية في صدرها وللذلك اخذت معي جهاز البخار والحمد لله ما احتجته مع إن جوا ماليزيا رطب بس الحمدلله ماتعبت مع انها في السعودية دائما تتعب
والسبب توكلي على الله وكنت اقراء عليها الورد والأذكار والحمدلله ما احتجت للأدوية

وسافرنا على طيران الإمارات ماتتصورين شلون الرحلة مريحة طلعت الطيارة بالعربانة واول ما وصلت للباب الطيارة اخذوا العربية مني واول ما وصلنا تفاجأت إنهم مستنيني عند باب الطيارة بالعربية
واثناء الرحلة ثبتوا لها سرير قدامي ونامت طوال الرحلة ولا تعبتني ابدا
وبالنسبة للحليب اخذت معي كمية لأاني خفت اغير عليها الحليب

وفي النهاية القرار بيكون لك إذا انتي قوية وتقدرين تتركينها خليها عند امك او اختك وطبعا ماراح يقصرون عليها
اما إذا كنت ضعيفة مثلي وما تقدرين تتحملين بعدها انصحك خذيها
لأن الأمهات يختلفون في أم عادي مايفرق معاها تخلي عيالها بعد ماتتطمن عليهم عند امها اواختها
وفية أم ما تقدر تتحمل تبعد عن عيالها ساعة
شوفي انتي من اي نوع مع إني متأكدة إنك من النوع الثاني
وانا اقول توكلي على الله وخذيها واي إستفسار انا تحت امرك

أنا مستحيل افكر اسافر واخلي بنتي وهي تقريبا في عمر بنتك ،وبسافر وبوديها معاي ان شاء الله لاني ما اتصور اسافر واتركها حتى لو عند امي الله يخليها لاني عارفه اني بتضايق في السفر وهي بعيده عني !!!

اذا انتي قادره على هذا الشيء خليها عند احد تثقين فيه بس ترا بالك بيكون مشغول عليها 24 ساعه ..

ولكن نصيحتي خذيها معاك وتوكلي على الله واخذي كل الاشياء اللي تحتاجينها من ادويه وغيره على الاقل حتى لو بتتعبك شوي لكن بتكونين مطمنه.

ماشاء الله عليكم بنات تعجبيني تجاربكم مع اولادكم لانه فعلا الامومه الحقيقيه تستوجب عليك عدم ترك ابنائك

بس بنات احد جرب يسافر مصر ومعه رضيع عمره 3 اشهر
مصر غير عن ماليزيا
واحد جرب يسافر بالباخره ومعه رضيع وطفل سنه و9 اشهر

شوفي حبيبتي أنا ما أنصح أم تخلي أولادها و تسافر سياحة إذا عندج غرض ثاني مش مشكلة بس رايحة تنبسطي و تخليهم ما أظن تستاهل الألم اللي بتحسي فيه و هم بعيدين عنج أنا مرة اضطريت اني اخلي ولدي و عمره سنتين و نص مع امي وانا متأكدة من الرعاية و رحت العمرة في رمضان و الله مضطرة كنت تعبانة نفسيا و اريد ارتاح والله تدرون يوم رجعت وين شفته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شفته ياعيني في المستشفى ومحد قال لي ما يريدون يشغلوني عليه و الله إني يوم شفته وهو هلكان ابتسم و قال لي أقول شكرا للطيارة اللي يابتكم من السعودية كان اصعب موقف مر علي وهذا و انا مضطرة عيل كيف لو رايحة سياحة ...
فكري عدل.....