مثل ما قالوا الاخوات هذي حالة كل الاطفال...واذا هذا طفلك الاول فغالبا استنكرتي الامر واكتئاب النفاس كمل عليك..

اسألي والدتك اذاكان الامر مو طبيعي فيمكن طفلك فيه ملع(خلع)لانه بيبي صغير واي حمل خاطئ له يسبب خلع ..انا اول اطفالي كان كذا على طول بكى واستفراغ ورحت فيه لمداويه شعبيه لان الاطباء ما يعرفون للملع وقالت لي فيه ملع بين الكتوف ..والحمدلله تحسنت الامور بعدها ..

والله نفسسسسسسسس كلامج بالضبط.. حتى نوع الحليب... سبحان الله..
بس الفرق انه ولدي الحين عمره شهرين..

شوفي اختي.. انا نفس حالتج.. بس ان شااااااااء الله بعد مايكمل شهرين شوي بس بيعتدل ارقاده وبيرقد فتره شوي اطول.. شوي بس..
وانا بعطيج حل حق الاربعين.. سبحيه ورضعيه وعلى طول بيرقد وانتي ر كض ارقدي وراه ههههه
انا جي كنت اسوي.. عشان ارتاح.. والحمدلله كان ياخذله رقده عقب النظافه وانا ارقد على طول وينش عقب فتره بس عشان يبا حليب ارضعه ويرجع يرقد..

والله كان امتعبني لدرجه اني مرات اصيح وخاصه انه اول بيبي.. وانصدمت من صياحه الفظيع.. ايصيح وماتلحقين اتقومين اتشلينه إلا هو ازرق واخضر واحمر ههههه وينقطع نفسه.. الله يهديه..

بس انا تميت اشله واهزه لين الحين اتعود على الهز والشل ورجع ايصيح نفس قبل اذا ما شليناه :(

واتحملي تغلطين غلطتي..

وترى حليب نيرسي ماشاء الله اوكي الحمدلله ناسب ولدي لأنه قريب من حليب الأم..

ولا تنسين تراهم دوم ايقولون اللي ايصيح وهو صغير وايد يطلع هادي يوم يكبر ههههههه ان شااااااااء الله ليش لا..

هي صح نسيت اقولج.. ترى ماشي مثل المصاصه مفعول سحري هههههه
انا اشتريتله مصاصه Nuk من بيبي شوب وفي الصيدليات موجوده.. خذي رقم 1..
وماعليج من حد.. نحن كلنا ضد المصاصه بس والله والله صددددددددق ريحتني شوي.. خلتني ارتاح وارررقد شوي مثل الناس.. انا مسمتنها السداده لأنها صدق سداده عن الصياح ههههه يعني طبعا اذا ماكان ايصيح لا عشان يوعان ولا تبديل بس جي دلع على طول حطي السداده (المصاصه) هههه

اتخيلي انا والله من قلة النوم والتعب تم يرتفع عندي الضغط وخلوني دوم اراجع في المستشفى اشيك على الضغط الصبح وفليل لين ارتحت..

وفديييييتها امي والله ما قصرت.. قمت انا اسهر وياه فليل والظهر عقب ماتخلص شغلها فديتها تاخذه عني واتخليني ارقد تقريبا ساعتين او 3 وعقب انش مرتاحه شوي ومستعده حق سهر الليل ههههههه

حبيبتي عادي لا تخافين هدا حال كل الأطفال بهالعمر ........

أنا توني والده من شهرين .... و بنتي تعبتني اصياح أول شهر وأنا كنت مثل حالتج أول طفل أو كنت حايسه معاها....


نصيحه نظمي وقت الرضعات خليها كل 3 ساعات .. بس خليه يرضع منج أو الصناعي لمدة 10 - 15 دقايق و ان شاء الله تشوفين الفرق

خيه انا طفلى كان مثل طفلك بس رحت عند دكتور سعودى وقال حتى بدل الماء تبع الرضعه نعناع بس مر لا تحطى عليه سكر لان السكر هو سبب الغازات اللي تجى البيبي وحاولى انك بعد ماتشربيه الحليب اللي بنعناع حطيه على صدرك حتى ينتهى التكريع وحاولى تسوى له مساج على ظهر وهو يارب يخرج اللي ببطنه من غازات وراح يرتاح وينام بس لاتكثري لا النعناع يعنى 3 مرات اليوم غير النعناع لا كذالك الماء اذا كان يشرب صناعى كثير حالوى تشربيه ماء دافى وابعدى عن جميع العلاجات لانه رضيع اللي وقت الازوم وسلامتك