ولد سلفتي كان زي ولدك مامشى الا ع سنه واربع شهور بس ودته للدكتور وطلع معاه ليان واعطاه فيتامين ومشى بعد الله وكانت تعرضه للشمس 

عادي انا ولدي مامشى الا سنه ونص

السلام عليكم ورحمة الله وبركاته
إختي اول ما شفت عنوانك قلت لازم ارد بالموضوع
الله يسلمك بنتي كانت كذا
تمشي بالمشاية تمشي وهي تمسك الكنبات بس من غير ما تمسك شئ ما تمشي
ويوم صارت سنة و8 اشهر تقريبا صارت تمشي
بس شو.. تخاف انها تخطي بين الغرفتين((تلفين الغرفتين ارضيتهم لونهم غير عن بعض.. قبل لا تروح للأرضة الي لنها غير تخاف وتحسوي الف حساب لين تدخل))
قبل كللللللل هذا لاحظت لما كانت في 8 أشهر احد رجولها تقريبا غير مستقيم.. ورحمة من الله سبحانه وتعالى إنها تأخرت بالمشي
لأني اصريت اننا ناخذخا للمستشفى... إكتشفنا ان فيتامين دال عندها شبه معدوووووم
والسبب.. عدم تعرضها للشمس

بعد العلاج ..إبر قطور تغذية وجلوس بالشمس ..الحمد لله تشافت بس شوي رجولها فيها اعوجاج واذا كثرت القفز رجولها تعورها

قريت في المواقع الطبية... إن الي ناقص فيتامين دال يخاف من كل شئ.. فعلا كانت تخاف تركض.. تقفز..تخاف تركب الدرج.. تخاف من اشياء فيها جرأة

وكل هالأشياء بدأت فيه متأخر وكأنها مسوية إنجاز...ههه الله يحفظ عيالنا ويرزقنا برهم

حبيبتي.. حبيت اقول لك كل هالأشياء ..حتى تاخذي إحتياطك...كيف اكتشفت إن رجولها كان فيها اعوجاج (( كنت الله يسلمك لما ابغى البسها الحفاظ ارفع رجلينها مع بعض كان في مسافة غريبة بين الرجلين مو طبيعية

الله يوفق كل من ردت علي ويحفظ لها عيالها يارب

والله يابنات اني اعطيه فيتامين دال من عمر10 شهور لانه تاخر بالزحف ايضا واعرضه قد مااقدر للشمس بس تدرون ان الجو بارد وهواء وهو ع طول يتعب
ومؤخرا وديته الدكتور وقال انه مافيه شيء يدعي للقلق بس عطاه حليب اكسيدا المكمل الغذائي...

رجاء اللي تعرفه تقولي عنه لاني اول مره اسمع عنه بس هو حليب فرنسي والحليب الفرنسي هو الافضل دائما..