طفلي مادري هو طبيعي وهل فيه ام مثلي تعاني 😢

السلام عليكم
اخباركم بنات
انا أعاني م مشكله ف ولدي مادري وضعه طبيعي م ناحية الاكل هو عمره ثلاث سنوات باقي كم شهر ويدخل ف اربع ان شاء الله
ولدي متعلق بالرضاعه وحليب م اي نوع حليب مراعي فراوله بس مادري هو السبب اللي قفل شهيته
المهم م ضحك الحريم علي ونصائحهم لي حاولت افطمه وبمعاناه اصيح معه والله يوم حاوت افطمه بالنهار اوكي سليناه وتسلى الليل ماقدر وآلساعه صياح الين رجعتها له وقلت نام عليها اهم شى راحتي والله
المهم بالنهار قدرت برحمة ربي ينساها واذا طلبها اقول فيها دوده يكرهها والليل مايقدر ع طول ياخذها
المهم يوم فطمته بالنهار قلت اكيد بتفتح الشهيهه ويأكل لكن للاسف ولدي مو راضي يأكل مثل الاطفال اذا اكلته وبالقوه ثلاث لقمات وتكفي يعني مادري طبعي او فيه شى هو م صغره مافيه حب للاكل لكن قبل كانت الرضاعه تشبعه الحين مسكين مادري ايش يشبعه غير الماء 😢😢
شريت له شيبسات عصائر كيكات مافيه شى تغير ع حالته والله لولا الحياء م الناس لأرجع رضاعته له لاني خايفه عليه ماياكل ولايشرب حليب مادري وش يغذيه😂
المهم وهذا غير النفسيه الخايسه والمزاج المتقلب من بعد مافطمته صاير صياح صرت اداريه كانه رضيع بس عشان يسلى وينسى الرضاعه بصراحه مرحلة الفطام مرحله جدا جدا صعبه تعبت معه نفسي اشوف ولدي يأكل ويطلبني اكل يريحني ع الأقل ويتركها بالليل وينساها ويعوضها بالاكل يارب
افيدوني بنات لاني اول مره افطم بكري ماجربت عودته ع الحمام ياربي الحمدلله بسهوله لكن الرضاعه تعبت معه مو قادر يتركها حتى ترك الحليب كله م بِعد مافطمته بالنهار جربت كوب الاطفال بأشكال ولو واحد حبهم جدا مزاجي وعنيد بعد يليت تنصحوني حبيباتي واكون لكم شاكره الله يسعدكم ويخلي لكم عيالكم يارب