طفلي مثل ظلي..

السلام عليكم..
انا عندي طفلين الكبير عمره سنتين وخمسة شهور بس متعلق فيني لدرجة كبيرررررررررة..والله وين ما نروح لاهلي لاهل زوجي ما يبيني اتعداه لو اقوم باسلم على احد ما تشوفين الا الصياح الدموع..لو اطلع من الغرفة باخذي شئ من برى تلقينه يصارخ ماما وينها..نروح لاستراحت فيها حمعات واطفال من عمره يلعبون بالمراجيح بالرمل..هو مستحيل يلعب شئ الا انا معه والا مابي يجلس جنبي ومايتعداني..
حتى بالبيت نفس الشئ اروح المطبخ وراي اروح غرفة النوم وراي..كل شئ اسويه له اعطيه العاب ..اشغل له افلام كرتون..طالما انا معه ايوه بس اطلع..حتى لو اتسلل شوي شوي ..الا يصرخ وين رحتي ماما ويلحقني..حتى الله يعزكم الحمام من ادخل ليما اطلع واهو يبكي عند الباب..وانا ماب اعوده بعد يدخل معي..صراحه مطفشني..صاير مثل ظلي وراي وراي..ماقدر اسوي اي شئ وهو معي..
حتى لما ادخل انوم اختي او احممها لازم يجي معي..وصراحه اهو لو مؤدب او هادي تهون لكن الله يصلحه شيطاني وراعي صراخ وتخريب..
انا ماعترض على شئ والحمد لله على كل حال..
بس هل هالشئ طبيعي..مع اني اشوف اطفال العيلة من عمره ومو كذا..وهل هو فترة مؤقته..
هل في احد يعاني من نفس المشكلة..ووش الحل؟؟
وللمعلوميه انا ربة بيت يعني ماروح وظيفة وارتكة مع احد او عمري ماسافرت وتركته او طلعت وتركته..يعني ماعنده مشكلة من موقف معين..