sarandeep @sarandeep
عضوة فعالة
طفلي وأول يوم في الروضة
هذا كان أول أسبوع لولدي في الروضة والناس مداومين من يوم الأحد بس أنا وديته الخميس ، المهم عذبنا لحد ما نام ( متعود على السهر ) وقعد الساعة 5 وسبحته وريقته وجهزت الأكل اللي راح ياخذه وانتظرنا الباص ، حطيت ولدي في الباص وقعد يبكي وركبت السيارة ورحت وراه وقعدت أنتظر الباص لحد ما وصل ونزل ولدي منه وكان شكله يضحك لأنه كان عامل شكله معصب :mad:( سمع كلام أبوه يوم قاله خل نفسك ريال ) المهم نزلت من السيارة وخذيته للإدارة وقلت هذا ولدي واسمه حمد وكنت حاطه على صدره بطاقة باسمه ومنطقتنا ورقم التلفون قالت لي وديه يلعب في ملعب الروضة وروحي عنه ، وديته وشفت اليهال يصيحون مساكين واستانست إن ولدي ما صاح وركض يلعب ورجعت البيت بعد خمس دقايق اتصلوا من الروضة وقالوا إنه ولدي قعد يرجع، ركبت السيارة ورحت لهم شفته قاعد في غرفة الوكيلة وجنبه مدرستين وممرضة حاطة كمامات ( الظاهر ظنت إنه فيه الإنفلونزا الله يحفظنا منها ) ويوم شافني ركض يصيح وحضني وقال إنهم ما خلوه يلعب وقالوا له إن اللعب خلص ولازم يدخل داخل الصف ( انصدم المسكين ظن الروضة بس لعب ) المهم رجعته البيت وقعدت أضحك عليه:42:. الله يعين الأسبوع الجاي بروح إن شاء الله ما يسويها مرة ثانية
23
2K
يلزم عليك تسجيل الدخول أولًا لكتابة تعليق.
بوندس
•
ههههههههههههه برآآآآآآآآآآآآآآآآآآآآآة الطفوله الله يخليه لك
الصفحة الأخيرة