الله يعطيك العافية موضوعك طمني توني متنومة مع ولدي جات له حالة تشنج حراري وشخصه الدكتور انه بسبب الحرارة والحين انا مرة قلقة عليه و احاتي بس موضوعك طمني الله يطمن قلبك على ولدك ويخليه لك ويشفي لي ولدي ويطمني عليه امين يارب
الله يعطيك العافية موضوعك طمني توني متنومة مع ولدي جات له حالة تشنج حراري وشخصه الدكتور انه بسبب...
كان لي تجربة في اول طفل عبارة عن تشنجات حرارية
كانت صدمة لي اشوف ولدي بهذي الحالة نفس الوصف بالضبط كانك تشوفين شخص ينازع وبتطلع روحه
ماتقدرين تسوين له شي الا انك تجلسين تبكين الله لا يعيدها من ايام يارب
جلس تقريبا سنة ونص وهو كل ما جته حرارة تشنج
امي الله يطول بعمرها ويحفظها نبهتني قالت ولدك من عقب العزيمة وهو مهوب طبيعي وفعلا كلامها صحيح
بس انا وقتها كنت توني في بداية العشرينات وكنت ادرس واول طفل لي وما كنت اعرف لا عين ولا حسد
وديته لحرمة جعل ربي يوفقها ما ادري هي حية الحين ولا ميتة الله يرحمها سواء كذا ولا كذا
المهم رحت لها وقريت عليه سبحان ربي كانت حرارته وقتها 39,5 وانا على اعصابي كل شوي اقول الحين بيتشنج
اول ما قرت عليه الحرارة نزلت والله ان امي تقول لو ما رحت معك وشفت كل شي بعيني كان اقولك تكذبين
ربي لك الحمد والشكر من بعدها ما عاد تشنج الله يحفظه يارب واخواته والمسلمين ويكفينا شر كل من فيه شر
بس عندي ملاحظة الموية الباردة خطر وقت الحرارة
هذا كلام الاطباء لي دائما
تكميدنه بموية فاترة لاهي حارة ولا باردة والافضل ما تخلينه في البانيوا على طول كم دقيقة وارفعيه شوي حتى مسامات الجسم تنفتح وتطلع الحرارة وبعدين رجعيه للبانيو
انتبهوا من الحرارة جدا جدا خطيرة لا تتهاونون فيها
سببت لي والله رعب والى يومك وانا ارتعب لو سمعت طفل فيه حرارة
ولدي عمره الحين ماشاء الله13 ولازالت احداثها في ذاكرتي ما امسحت
الله يحفظ لي ويحفظ لكم كل غالي