طفلي والتوحد !

ربنا يشفيه ويعافيه ويطمنك عليه يارب وعموما مش كل درجات التوحد اعتماديه على احد بالعكس فى منهم ممكن يتعامل ويقضى احتياجاته بنفسه

أم التوأم ولدك ببساطة
معيون وممسوس
والطب النفسي يشوف اعراض المس يطلق عليها توحد او فرط حركة
لانه مايؤمن بالمرض الروحي
وعلى فكرة انا كمان توأمي زي ولدك بس عالجتهم بالرقية
وصارو عاديين وطبيعيين ماشاءالله تبارك الله
مانت ي مصدقتني
امسكي ولدك جلسيه قدامك
جيبي مكبرات للصوت واشبكيها في الجوال
وادخلي اليوتيوب
واكتبي رقية الامراض العضوية للشيخ عبدالله الخليفة
وراقبي طفلك ايش يسوي
اصابع الرجل لو اتحركت لوحدها اتأكدي مس
لو الطفل اتثاوب ونعس او نام عين
لو صرخ وجري وسوا حركات بهلوانية ولا يضحك باستهبال او يبكي
او تزيد الحركة او يحول عينه او يرمش كل دا مس

واكبر دليل عين
قلتلي ماشاءالله كان عادي ومتميز عن اخته
وفجأة اتغير

أختي ندى أنا نزلت الرقية من النت وشغلتها له ، لاحظته مركز مع القراءة وساكت لأبعد الحدود ، رجليه شوي يحركها فوق بعض ، بس ما شغلتها كثير بسبب جمعة الغدا ، ناوية أشغلها وقت النوم هو يحب يسمع قرآن فترة النوم . ادعيلي اختي يهون الولد ويرجع مثل ما كان
هو بعمر سنة ونص كان بادي يلفظ كلمات واضحة لدرجة ان الكل تفاجئ ، ودايما كان افهم من اخته ، سبقها في الجلوس والحبي والمشي ، وكان متفاعل معانا لبعد السنتين والنص بدا ينسحب شوي وانخرس عندي صار حتى ماما وبابا ما يقولها .
اختي انتي خبريني وضع توأمك هل كانو غير منتبهين معاك ؟وهل الأعراض بدأت معاهم فجأة أو بالتدريج ؟
وكيف شكيتي أنه مس أو عين هل كان في عرض معين عرفتي منه هذا الشي ؟
اعتذر عذبتك معي
بس مهمومة ومحتاجة لأي شي ممكن يخفف من ضيقتي وهمي ، ادعولي حتى لو ما رديتو علي بس ادعولي

انا عيالي مو توحد
فرط حركة بس تقريبا يشبه التوحد في عدم التركيز
عيالي اظن من وهمن رضع او اتولدو كدا لاني انا فيا مس
اكتشفت المس من تلاتة شهور تقريبا
ولدي اللي عمره6
عصبت عليه عشان بأكلمه ودار وطنشني
قلتله لما اكلمك توقف تسمعني
شوية قالي ياماما الشرير هوا يقولي لا تسمع كلام امك هوا يقولي اضرب اخوانك وفعلا كان عدواني وعنيف وجلست استجوبو واستجوبو لين عرفت
ومع الرقية اتأكدنا انه مس
وغير الرقية كان يقول كلام مستحيل طفل في سنه يعرفو
زي مرة عصبت منه وجلست استغفر
قالي ماما الشرير يقولي قول لامك لو ما بطلت تقول استغفر الله راح يخرج منه ويدخل فيا
وماشاءالله في مع بداية رمضان
راح عنه فرط الحركة اللي اجمع العلم انه ماله علاج
وكان مايقدر يداوم الروضة الا بحبوب حقت فرط الحركة
ولا تخافي ولاتحزني الموضوع بسيط
قوي ايمانك بالله واحسني الظن بالله
وكويس اكتشفتي من دحين
ولدي التاني اصغر من ولدك بشهرين برضو ممسوس
وما يتكلم مع الرقية ماشاءالله تبارك الله يوم عن يوم بيتحسن
راح يرجع زي اول واحسن ان شاءالله مو بأصبرك لا من جد بأذن للله
بس بشرط تشغلي الرقية وانتي واثقة ومتأكدة انه مس مو تجريب يعني وتوبي لله واكثري من العبادات
واغاني واناشيد لا وحاولي الفترة ديه لا تخرجي ولا تستقبلي
عشان العين لا تتجدد وتصير انتكاسة للطفل
واتصدقي
ولدي اللي في سن ولدك كان هادي مع للرقية عادي ولا كأنه في مس
بس كانت تجيه فترات فجأة بدون سبب يقعد يبكي بصمت
واحيانا بطنه توجعه
وبعيني سفت اذنه اتحركت
كيف انسان طبيعي تتحرك اذنه?!
ومن العلامات الصحيان المتكررفي الليل
او الكلام اثناء النوم