طفلي و(القيء)!!!!!!!!!!!!!!!

أختي ام عزوز
لا تحاتين الياهل طبيعي 100% , ما فيه الا العافيه يارب. ولدي الصغير كان يرضع طبيعي بس اول فتره ووايد يرجع. خفت عليه و رحت للطبيب. قالي لا تحاتين الشي هذا طبيعي بالأطفال. مو كلهم طبعا لكن عادي الشي هذا دام انه ما يأثر على الوزن يعني وزنه يزيد و الحمدلله.
و انتي ممكن من شهر لي شهر تراجعين الطبيب علشان تشوفيت تطور البيبي. اذا الوزن يزيد خليه يرجع مو مشكله, بس انتي زيدي عدد الصدريات اللي عندج و فيه كلونيا للأطفال مالت جونسونحطي شويه بقطنه بعد ما يرجع مسحي رقبته او على ملابسه علشان ما يصير فيه ريحة ترجيع, ما احب الياهل اللي ريحته مو حلوه
قالي الطبيب بعد انه ولد بنته كان نفس الشي و تعبوا معاه كل شي سووا للبيبي حتى المنظار يا عمري سوه لكن البيبي راح تييه فتره ويوقف ترجيعه بروحه بالتدريج. يعني لما يبدي ياكل الترجيع يقل وايد هذا من خبرتي مع ولدي و بنات اختي. خو بناتها حدث ولا حرج والله اليوم كله ترجيع.
اما عن وقت الرضعات, لا تحددين وقت يا اختي و عطيه متى ما جاع والله مو مشكله اشكثر طاف وقت من اللي طافت. كان عندي كتاب عن الرضاعه و مكتوب فيه جذي. و الكتاب يقول, الطفل اللي يرضع متى ما جاع صحته تكون احسن من الطفل اللي يشرب بمواعيد معينه. عيالي الأثنين متبعه معاهم الطريقه هذي. الأول كان يرضع بس طبيعي لي عمر سنه و شهر. اما الثاني طبيعي و صناعي و عمري ما حددت وقت للرضعات وماشاءالله عليهم صحتهم ولا احسن.

اختي طبيه الكويتيه .... تسلمين ياقلبي .. والله يعافيك

صراحه استانست لما لقيت احد رد .. واليوم كنت منسقه مع طبيبه ( شعبيه )- طب بديل- لكن مع ردك ارتحت ...

الله يريحك دنيا واخره ويوفقثك ويخلي لك عيالك ويحفظهم .. ويقر عيونك بهم

امين

اجمعين ان شاءالله يارب اختي و يتقبل دعائك آمين يارب

السلام عليكم
ماهو وزن الطفل؟
مانوع الحليب اللى ياخده؟
كم عدد مرات الترجيع؟
من امتى بدء الترجيع؟

وزن الطفل : طبيعي على عمره مايحضرني كم بالضبط..

نوع الحليب : ماييل مام ما

مرات الترجيع: تقريبا بعد كل رضعه اكثرمن 3 مرات

بداية ترجيعه: من اول ايام ولادته.. ايام الرضاعه الطبيعيه .. وقبل مايشرب صناعي ..