السلام عليكم ورحمه الله
اليوم ياخواتي بغيت انجلط حتى من ضيقه الصدر ماقدرت انام طبعا السالفه ومافيها اني طالبه جامعيه وعندي طفلين واحد عمره تقريبا 4 سنين والثاني عمره 9 شهور
سجلتهم بمدارس في شرق الرياض
طبعا انا مااطلع من دوامي الا تقريبا 2 بعد الظهر واحيانا يوديهم الباص لبيت عمتهم ماعليكم بالطويله
طبعا هالمدرسه اسوء من السوء من دخلت ولدي الروضه وهو يتجه للانحدار في الاخلاق تخيلو مره جيت باخذه باخر الدوام لقيته ياحياتي نايم بالصف على بطنه عالبلاط ومعلمه الروضه تقول شسوي نام وخليته نايم تخيلو حتى ماغطوه بلحاف والجو بارد وهو نايم بشنطته وجاكيته والجزمه ياربي وين الرحمه والمدرسه للاسف سعوديه بدال ماتكون ارحم عليه صارت للاسف اسوء من الكل
واليوم يوم جيت اخذ ولدي لقيته فاصخ جزماته والكيلون ويركض عالبلاط وولدي مريض ربو يعني اي اهمال يمرض وبقوه والله لي اسبوع مضاد حيوي وبخاخات الفينتولين واخرتها بلحظه ينتكس ويرجع ينكتم والمدرسه قاعده تناظره عااااااااااادي سالتها ليش كذا قالت مدري.........!!!!:confused:
وش اللي ماتدرين قالت والله هو دخل الحمام وطلع كذا قلت ايش قالت ايه هو اللي يدخل الحمام بلحاله قلت لها مايعرف ينظف نفسه شوفو وش ردت بكل وقاحه قالت وش نسوي ماعندنا الا عامله واحده ومايمديها تودي كل الاطفال.........................!!!!!!!!!!!!!:11:
لاحول ولاقوه الابالله ..... معقوله فيه ناس كذا مافي قلوبهم خوف من الله
لا وكل ماجيت اشتكي مالقيت الاداره الدنيا سايبه الله حسيبهم
حلفت بالله مااخلي ولدي عندهم الترم الجاي
تكفون ساعدوني ابي مدرسه جيده بالروابي اوبالريان او بالمنار او بالسلام وتكون مدارس محترمه تعلم الاخلاق وتحتوي على حضانه ورياض اطفال وفيها باص اهم شي عندي المعامله تكفون ساعدوني وربي من الضيقه قعدت انتفض
حسبي الله عليهم
ساعدوني الله يساعدكم:44:
راس مالي عزتي @ras_maly_aazty
عضوة فعالة
يلزم عليك تسجيل الدخول أولًا لكتابة تعليق.
يعني وش افهم من هالرد وش دعوى يابنات اللحين 23 رد وهذي اخرتها رد غير مفهوم ولا وحده حتى علقت على الموضوع لها الدرجه الموضوع تافه وانا مكبرته
الله يسامحكم
الله يسامحكم
Rolaatee
•
http://forum.hawaaworld.com/showthread.php?t=2051038
هاد تجمع بنات الرياض اساليهم وان شاء الله بفيدوكي..
انا من الاردن بس حبيت اساعدك
هاد تجمع بنات الرياض اساليهم وان شاء الله بفيدوكي..
انا من الاردن بس حبيت اساعدك
الصفحة الأخيرة
تكفون شوفو لي حل