بصراحه ما توقعت الردود بتكون بهالعدد !
شي جميل صراحه انكم اتفاعلتم مع موضوعي حتى وان كان اغلبه انتقاد سلبي ، ولكنه اسعدني قليلا ..


ولكن مع الأسف في ردود خيبت املي وصدمتني ، طيب ليه ما تقدرون شعوري كـ/ أم ،
يعني هبيتوا فيني وكأني قلت بذبح ام زوجي لا سمح الله !

اللي تقول خلك من الحسد واللي تقول رحمت ام زوجك واللي تقول الله يعين زوجة ولدك شكلك بتنشبين لها واللي تقول مدلعه واللي تقول ماعندك سالفه ، واللي قالت عقلك صغير !!!

العفو ترا انا بس شكيت لكم، ما سبيت احد ولا شتمت احد ولا دعيت على احد عشان تقومون علي هالقومه هاذي !

واصلا على اي اساس فسرتوه حسد وكره وحساسيه وبغضاء ما بيني وبين حماتي !؟
حرام عليكم انتوا ظلمتوني بهالشي

هي والله ما شفت منها الا كل خير وجداً حنونه وتحب ولدي بجنووون وانا واياها سمن على عسل الحمدلله ، وبحكم دوام زوجي انا اغلب وقتي عندها ومرات كثير انام عندها بعد ، وعادي ماصار شي ،

وابدا ما ابغى المشاكل والدليل اني ما كلمتها من البدايه ، بس حبيت اكون زيي زي باقي الامهات ولدها يحبها وما يدور غيرها ، واذا غابت يقعد يبكي لين ما تجي ، ويجلس بحضنها وينام بعد بحضنها ، تخيلوا هذا كللللله ما حسيت فيه ولا جربته قسم بالله !!!

ام زوجي من زود حبها لولدي كانت قايمه بـ هالأمور كلها ، بالنيابه عني رغم اني كنت اتمنى من داخلي اني انا اللي اسويها لطفلي حبيبي ،

وتبغوني أفرح !؟ اوكي يقول لها ماما والله بارضى بهالشي ، ويحبها ويتعلق فيها عادي والله ، بس انا كمان ابغى احس اني فعلا امه ، والله هذا اللي كنت ابغاه واتمناه !!

صحيح هو اول حفيد لعمتي لكن ايضا بالمقابل هو اول فرحه لي بعد ، ومستكثرين علي انا بعد هالمشاعر !!
منجد الله يسامحكم ،،


الله يسامح كل وحده ضايقتني بكلامها، لانها ما راعت مشاعري حتى وان كنت مخطئه !


اما بالنسبه للبعض الآخر فأشكرهم اشكرهم اشكرهم جزيل الشكر على نصايحهم ، أغلبهم قالوا عادي وان عيالهم زي ولدي ، وهونوها عليه وخلوني انظر للموضوع من زاوية ايجابية ،!

اشكرهم من كل قلبي على تفهمهم لوضعي وتقديم الحلول السليمه بصراحه كلامكم ريحني وخلاني ما ازعل وانه عادي يناديها ماما ، والله العظيم اني بديت اقتنع بالموضوع ، وانه عاااادي ما يزعل ولا شي ، انا كنت احسب بس انا اللي كذا ، بحكم انه بالمجتمع اللي اعيش بينهم اغلب اطفالهم يقولون للجده دادا او نانا او جده فكنت استغرب واتحسس !..

لكن طلع انه الأغلبيه زي ولدي ، عشان كذا حسيت الموضوع صار عادي وما يزعل بالنسبه لي ..
وعسى الله يسخر لنا عيالنا ويديم المحبه بيننا وبين خلقه يااارب .


وجزاكم الله كل خير
السموحه طولت عليكم ،،

عزيزتي .........بتذكر ين كلامي. ولدك مهما كثرو أحفادها راح يكون له مكان. بقلبها ومميز. لا تخربون عليه

اقول الله يصلحك ويهديك تغوذي من ابليس احنا عندنا بنجد والشمال

عادي يناديها يمه ام وماما مافيها شي اول ولد لي كنت اقول لجده رحمه الله عليها قل ماما ورفضت جعلها بالجنه

تقول جده احلي

عيال اخواني ينادون امي ماما يابنت الناس قولي لااله الاالله الام ام لاتحرمينها حتي هي فرحتها وتصير بينك وبينهم حواجز ومشاكل انتي في غنا عنها


الله يصلحك انتي زهرانيه والنعم بس بسرعه تزعلون حرمه اخوي زهرانيه وكل شي تدقق عليه تعبتنا واحنا ولله الحم والمنه

ماتجاكرها نعاملها زي اختنا ربي الشاهد ولانبي احد لاهي ولاغيرها يزعل والله يسامحها في الاخير تطلقت وعندها عيال

بسسب العناد هي وزوجها وخربو عليها حمواتها الباقيات خليك فطينه وصلي ع محمد وتعوذي من ابليس ولاتزعلين من كلامي ابيلك الخي غاليتي

انتي عندك جده ؟؟؟ وش كنتي تناديها ؟؟

لاتزعلين مني انتي عندك عدم ثقه بالنفس والا هذا موضوع مايزعل وتقولين اغار على ولدي ههههههه
بكره اذا تزوج وش بتسوين بزوجته الحمدلله والشكر
عموما علمي ولدك يقولها ماما (فلانه اسمها) وانتي ماما عشان ترتاحين

اصداء روح ، وشعاع الجمعه ،، 

اشكركم ع المرور 
بس مو شرط كل زهرانيه انها زعوله وراعية مشاكل ، اش دخل الالقاب بهالموضوع ، الله يهديك بس 


ثانيا انا كنت اقول لجدتي جده وما زعلت الله يرحمها ، وبعدين ترا حتى انا هالولد اول فرحه لي ما يحق لي افرح فيه يعني !!؟؟ 


الله يهديكم تفسرون كل شي على هواكم .. 

عموما لكل وحده بترد نفس ردكم او بتنتقد حابه اقول لها وفري كلامك ورايك لنفسك يا بعدي ،، 
عندك كلمه حلوه قوليها ، ماعندك رجاءاََ لا تغثيني بكلام ماله معنى ،، 
والله اللي يشوفكم يقول اني قلت بذبح عمتي استغفر الله بس ...