عادي قولي له انا ماما وجده ماما فلانه لمى يكبر بيتعود ان شاء الله نصيحه لاتكبري الموضوع تراه مايسوى ابد

الله كريم ، بس انا والله مو مضايقه الا لاني اخاف بكره يكبر على هالشي ويحسب انه هي امه !!
عاد بكره انا وش اسوي بعمري والله اتجنن يا بنات
يعني اتعب وفي النهايه كذا تكون جزاتي !!

يااختي الموضوع عادي جداً ومايستاهل الزعل وزوجك معاه حق بكره يكبر ويفرق ومافيها شي لو نادى جدته ماما يختي هاذي ام أبوه تذكري لولا الله سبحانه ثم هالأم ماجا ها لولد يعني استهدي بالله ولاتكبري الموضوع أتوقع لو ابنك بينادي أمك ماما كان راح يكون الموضوع عادي بس دايما في حساسيات بين الزوجه وأهل الزوج خاصة الحماة وباين ان حماتك تحب ابنك احمدي ربك في حموات يخربطون بأسماء أحفادهم ولا يدرون عنهم
نصيحتي ياعزيزتي لاتخلين شعور الغيره وحب التملك في غير مكانهم يسيطرون على تفكيرك

يا الله مكبره الموضوع وهو ما يستاهل
ترى كثير من الاحفاد يسمون الجده ب ماما
تراها كلمه لا اكثر ولا اقل
ما ادري رحمت ام زوجك هي تعامل حفيدها كانه ولدها
وانتي كل تفكيرك انو ما يسميها ماما
ما ادري احس لو تقولين لها وتصارحينها بتزعل اكيد بتزعل وبالنهايه تفكيرك هذا
هو اللي بيخدش العلاقه اللي بينكم
تعوذي من ابليس ولا تتركين غيرتك على ولدك تسببلك ازمه بالمستقبل مع ام زوجك واهله
وعلى فكره غيرتك على ولدك احسها مرضيه واسفه على الصراحه
انا شخصياً احب ولدي حب غير طبيعي
لدرجه ما اخليه ينام لا عند اهلي ولا عند اهله تا لو بوجود ابوه اوسوس فيه
ويوم عمره سنتين والان عمره خمس سنوات ما يسميني الا ( ابتسام )
وامي وام زوجي يسميهم ماما (..) وماما (..)
وسعي خاطرك

اختي حروف مبعثره !! يعني فوق ما ولدي مو مهتم بوجودي كمان انتي تزيديها عليه الله يصلحك ؟!
اصلا هو من كثر ما تعود عليها عشان كذا يناديها ماما ، وهي اللي عودته على هالشي ، وهالشي كاسرني من جوه ،. ارجوكم حسوا فيني

تعرفون اش معناة ان ولدك حبيبك وفرحتك الاولى وبسبب تدخل الاجداد بتربيته انتي اللي تروح فيها وتتهمشين !!