طفلي وسؤاله عن ابوه المتوفي ؟؟؟؟؟؟

السلام عليكم ورحمة الله وبركاته

خواتي العزيزات انا عندي مشكله نفسيه مع ولدي البكر اللي عمره خمس سنوات وهي سؤاله الدايم

عن ابوه المتوفي من سنه في حادث طياره , وانا يا خواتي حاولت معاه هو واخته اللي تصغره بسنه ان

ابوهم مات وراح الجنه عند الله وهم يعرفون انه مات بس ما يعرفون انه ما بيرجع مره ثانيه وكل ما

يزعل مني يقولي بخبر عليج باباه وصاير وايد ايصيح وما يعرف كيف يعبر عن اللي بداخله بفقده لبوه

وانا نفسيا تعبانه لأني ما أعرف كيف افهمه وكيف اعوضه عن ابوه وطبعا الولد يحتاج لريال عشان

يكون قريب منه وانا اسكن في اماره ثانيه عن اهلي عشان اقربه من اخواله وعمومته كلن لاهي في

حياته وحتى المدرسه في الروضه تقولي ولدج ما يطلع يلعب مع الاطفال كله يالس عندها ويكلمها عن

ابوه ........ فأرجو من الاخوات العزيزات مساعدتي في اخراج ولدي من المشكله اللي هو فيها ولكن

جزيل الشكر